Yobu

 2 “Nyihanganira gato maze ngusobanurire,

Kuko ngifite amagambo yo kuvuganira Imana.

 3 Ndagusobanurira neza ibyo nzi,

Maze ngaragaze ko Umuremyi wanjye akiranuka.+

 4 Mu by’ukuri, ibyo nkubwira si ibinyoma,

Kuko nabyigishijwe n’Imana ifite ubwenge butunganye.+

 6 Ntizemera ko umuntu mubi akomeza kubaho,+

Ahubwo izarenganura abababaye.+

Iyo bababaye kuko baba baboheshejwe iminyururu,

 9 Imana ibamenyesha amakosa bakoze.

10 Bazatega amatwi ibagire inama,

Kandi ibabwire ko bakwiriye guhinduka bakareka ibibi.+

11 Nibumvira bakayikorera,

Bazaba abakire,

Kandi bazagira ubuzima bwiza.+

12 Ariko nibatumvira, bazapfa bishwe n’inkota,+

Kandi bazapfa badafite ubwenge.

14 Kubera ko ubuzima bwabo babumara mu buraya,*+

Bapfa bakiri bato.+

15 Ariko Imana ikiza abababaye imibabaro yabo,

Kandi ibasaba kuyitega amatwi mu gihe bakandamizwa.

16 Nawe rero izagukiza ibibazo biguhangayikishije,+

Ikujyane ahantu hagari hafite umudendezo,+

Iguhumurize, iguhe ibyokurya byinshi kandi byiza.+

17 Igihe imanza zizacibwa kandi ubutabera bukubahirizwa,

Uzishimira kubona urubanza ababi bazacirwa.+

18 Ariko uramenye uburakari ntibuzatume ugira ubugome,+

Kandi ntuzemere ruswa itazakuyobya.

20 Ntukifuze cyane ijoro,

Igihe abantu bapfa mu buryo butunguranye.

21 Uramenye ntugahitemo gukora ibibi,

Ahubwo ujye uhitamo kwihanganira imibabaro.+

23 Ese hari umuntu wigeze ayiyobora,*+

Cyangwa ngo ayibwire ati: ‘ibyo wakoze ni bibi?’+

24 Jya wibuka ibikorwa byayo,+

Ibyo abantu baririmbye.+

27 Izamura ibitonyanga by’amazi,+

Bigahinduka ibihu, maze bigatanga imvura,

28 Bityo ibicu bikavamo amazi,+

Maze abantu bakabona imvura.

29 None se ni nde wasobanukirwa uko ibicu biteye,

N’ukuntu inkuba zikubitira mu bicu?+

30 Reba ukuntu yashyize imirabyo+ mu bicu,

Kandi inyanja ikayuzuza amazi.

31 Ibyo byose ni byo ikoresha ikabeshaho abantu,

Kandi ikabaha ibyokurya byinshi.+

32 Ifata umurabyo mu biganza byayo,

Ikawohereza aho ishaka.+

33 Urusaku rw’inkuba ruvuga ibyayo,

Kandi amatungo na yo amenya ko ije.*