Twiringire Yah Yehova!

“Mujye mwiringira Umwami iminsi yose, kuko Umwami Yah Yehova ariwe nyine rutare ruhoraho iteka ryose.”​—YESAYA 26:4, MN.

 1, 2. Ni iyihe ndirimbo y’igisingizo dusanga muri Yesaya 26:1-6 kandi ni ukubera iki?

GUCISHWA bugufi k’umudugudu w’amahanga agir’umwaga; gukwiriye gukorwa mu ndirimbo yo kunesha! (Yesaya 25:3) Niyo mpamvu ubuhanuzi bwa Yesaya bukomeza mu gice cya 26 umurongo wa 1 kugeza ku wa 6 n’indirimbo yo kwishimira ikuzo ry’Umwami Yehova, muri iki gihe biririmbwa “mu gihugu cya Yuda”. Yuda rishaka kuvuga ngo “Usingizwa,” Bibiliya ya Crampon-Tricot yongera gukoresha bundi bushya ijambo “Yah Yehova” muri ryo izina ry’Imana rikubwa 2. Mbega ukuntu amagambo anejeje yumvikana muri Bibiliya Traduction du monde nouueau aho buri gihe izina ry’Imana rigaragara mu mirongo yayo mu buryo ryuzuye!

² Tega amatwi y’iyo ndirimbo: “Dufit’ umurw’ ukomeye; Yehova Imana izashyirahw’ agakiza kab’ inkike n’ibihome. Nimwugurur’ amarembo kugira ngw’ ishyanga rikiranuka, rigakomeza iby’ukuri, ryinjire. Ugushikamishijeh’ umutima, uzamurind’ ab’ amahoro masa, kukw’ akwiringiye. Mujye mwiringira Umwami Yehova iminsi yose, kuko Umwami Yah Yehova nyine ari we Rutare ruhorahw’ iteka ryose. Yacishije bugufi abatur’ aharehare mu murwa wishyira hejuru; awurambika hasi, akawugeza ku butaka, ndets’ awugeza mu mukungugu. Ibirenge bizawuribata, ndets’ ibirenge by’abakene n’iby’abatindi ni byo bizawuribata.” Mbega ibyishimo byo kuba mu biringir’ Imana, bakayisingiriza muri iyo ndirimbo ari bo Abahamya ba Yehova.

 3. (a) “Ishyanga rikiranuka’ ni irihe, kandi ninde winjira mu “marembo” yugururwa? (b) Bishoboka bite ko umuteguro wa Yehova ukomeza gutera imbere mu bumwe n’ubwo umwanzi awurwanya?

³ Yah Yahweh cyangwa Yah Yehova, agiye gucisha bugufi byanze bikunze abirasi no gukuza abadasiba kumwiringira. Isiraeli y’umwuka imaze kuba nto yahindutse ishyanga rikomeye ishyanga rikiranuka? Nanone abantu nyamwinshi barenga Miliyoni eshatu bagiriw’ inyungu n’ubuntu bw’Imana bamaze kwinjira mu ‘marembo’ akinguye y’umuteguro wa Yehova, ugereranywa hano n’umudugudu. Bose hamwe abo bantu bagize umuryango w’isi yose, urusha ubwinshi byibuze abantu batuye ibihugu 57 mu bigize umuryango witwa Uw’abibumbye. Ku ruhande rwabo, “ishyanga” ry’Imana, hamwe n’abantu bifatanya naryo, bunz’ubumwe mu buryo buhamye. Icyifuzo cy’iryo shyanga kw’isi yose, ni icyo kumvira amahame atunganye y’Imana. Inkike zayo, cyangwa se uburyo bwaryo bw’umuteguro, bigize urukuta runini rubambira imbaraga Satani akoresha kugira ngo yanduze imyifatire yaryo y’ubudahemuka, rigira kubera gushyigikira ukuri. Umwanzi ntashobora kubuza ubwo bwoko budahemuka ku mana yabwo kujya mbere. Ukwiringira kwacu gushingira buri gihe kuri ‘Yah Yehova’ nyine ariwe rutare ruhorahw’iteka ryose.’​—Yesaya 54:17; 60:22.

 4, 5. (a) “Umurwa wishyira hejuru” ni uwuhe kandi ni kuki twavuga ko abagaragu ba Yehova bawuhonyora mu buryo bw’igishushanyo? (b) Ni mu gihe kihe ubuhanuzi buri muri Yesaya 26:10 bwasohojwe mu buryo bwa mbere kandi uko gusohozwa kwabaye gute?

⁴ Mu gihe turiho twumvikanisha umuburo yuko Yehova agiye gucisha bugufi umurwa wishyira hejuru, ariwo Babuloni ikomeye, twebwe duterwa inkunga no kubona abakene n’abatindi bemer’ubutumwa bwiza bw’Ubwami n’umutima ukunze. (Ibyahishuwe 18:2, 4, 5) Mu buryo bw’ikigereranyo, nabo bahonyora uwo murwa wishyira hejuru atari mu gufatanya kuwurimbura; ahubwo ar’uko batangaza umunsi w’uguhora kwa Yehova ugiye kugwira gahunda yose y’ibintu yanduye. (Yesaya 61:1, 2) Hashize imyaka myinshi irenga 10 Abahamya ba Yehova bagaragaza ubugwaneza ndetse no ku bantu b’abagome, babasang’ iwabo kugira ngo babamenyeshe ubutumwa bw’Ubwami aribwo butumwa bw’agakiza. Ingaruka y’uwo murimo ihura n’ibyo dusoma muri Yesaya 26:10: “Umunyabyaha nubg’ umugirira neza, nta bg’aziga gukiranuka; mu gihugu cyo gukiranuka azahakorer’ ibyo gukiranirwa, ntazahaboner’ ubgiza bg’Umwami Imana [Yehova, MN].”

⁵ Ubwo buhanuzi bwo gusana buruzura neza muri iki gihe cyacu. N’ubwo bafit’uburyo buhagije, abantu bake gusa, nibo bashaka guhindura ubuzima bwabo bushya, kugira ngo bakire ubuntu bwa Yehova mu gihugu cyo gukiranuka. Abatukisha Yehova n’abahamya be b’indahemuka ntibazareba ubwiza bwa Yehova, kubera ko batazarokoka kugira ngo bishimire imigisha y’igitangaza izasukwa ku bantu nyuma y’uko Izina rya Yehova rizaba ryamaze gukuzwa. (Yesaya 11:9) Ubwo buhanuzi bushobora na none gushyirwa ku bantu bazazukira kuba kw’isi izaba yahinduwe paradizo. Bamwe muri bo bazanga kwita ku mahame Imana izashyira mu buryo bugaragara mu bitabo; ntabwo rero bazagira izina ryabo ryanditse muri “cyo gitabo cy’ubugingo.”​—Ibyahishuwe 20:12, 15; reba na Ezekieli 33:11.

Yehova atunganiriza amahoro

 6. Abagaragu ba Yehova barangurura amajwi bavuga iki, kandi ni ukubera iki?

⁶ Ariko kandi abakozi b’indahemuka ba Yehova bishimira gukuza no kugaragaza ubutabera bwa Yah Yehova. Baramusaba kugira ngo atunganirize amahoro ubwoko bwe barangurura ijwi ry’ibyishimo bavuga bati: “Wagwij’ ishyanga, Uwiteka Nyagasani [Yehova, MN] wagwij’ ishyanga; urogezwa; wunguy’ ingabano z’igihugu zose.” (Yesaya 26:12, 15) Hafi mu bihugu n’ibirwa 210 by’isi, Yehova akomeza kongera abantu bagereranywa n’intama, kw’ishyanga rye ry’umwuka. Amagana ibihumbi b’inshuti barabatizwa. Mu mezi amwe habarwa abapayiniya badasanzwe n’ab’igihe cyose kimwe n’abafasha barenze ibihumbi magana atatu. Ya Sosiyeti Watch Tower arushaho kwagura inzu zayo zo guturamo n’iz’ amacapiro; kandi zirakomeza kwakira ibikoresho bihambaye bindi by’ubwanditsi. Ukwiyongera kurakomeza.

 7. Umuteguro wa Yehova ugereranywa n’umurwa, uvana hehe ukwiyongera kwawo?

⁷ Uko kwiyongera mu mpande zose kuraterwa n’uko “Umwami w’Amahoro” ari we uyobora ibikorwa by’ubwoko bw’Imana buri ku isi. Nk’uko Yesaya abivuga mu buhanuzi bwe hejuru: “Gutegeka kwe n’amahoro bizagwirira ku ntebe ya Dawidi n’ubgami bge, bitagir’ iherezo kugira ngo bibukomeze, bibushyigikize guca imanza zitabera no gukiranuka, uhereye none ukagez’ iteka ryose. Ibyongibyo Uwiteka nyir’ingabo azabishohoresh’umwete we.” (Yesaya 9:6, 7.) Ayo magambo yuzuye neza muri iki gihe cyacu. Abiringira Yehova bafite amahoro no gukiranuka bituruka kuri uko gutegeka k’Umwami. Bagira ubumwe bwuzuye urukundo rugirwa gusa n’abigishwa nyakuri ba Kristo. (Yohana 13:34, 35) Bategerezanya ubwitonzi igihe ubu kegereje icyo Yesu Kristo agiye kuganzamo ku isi yose izuzura “kumeny’ Uwiteka [Yehova, MN].”​—Yesaya 11:9; Danieli 2:35, 44, 45.

 8. Amagambo ya Yehova ari muri Yesaya 26:20 asobanura iki kandi “inzu” ni iki?

⁸ Mu gihe ukwiyongera k’Ubwami kugenda kwegera indunduro, uguhamagara kwa Yehova kuri muri Yesaya 26:20 kurumvikana cyane ngo: “Wa bgoko bganjye we, ngwino winjire mu nzu yawe, wikingirane, ube wihish’ akanya gato, kugez’ah’ uburakari buzashirira.” Inzu ivugwa hano, nta gushidikanya ifitany’isano ya bugufi n’amatorero arenze 54,000 agereranywa n’imidugudu muri iki gihe Abahamya ba Yehova b’isi yose bibumbiyemo. Igihe kiri imbere kizatubwira ibyo Yehova agiye gukora. Ariko dushobora kwiringira tudashidikanya ko ubwo azarimbura ababi, azarinda abagaragu be biringirwa, nk’uko yabigenje ku gihe cya Yesaya ubwo yirukanaga umunya-Ashuri w’umugome mu gihugu cye.​—Yesaya 10:24-26

Kurokorwa ni ibidashidikanywaho

 9. (a) Umwami Hezekia yerekanye ate ko yiringira Yehova? (b) Ni mu buryo ki dukwiye kugenza mu gihe abantu banga Yehova badututse cyangwa bakadutoteza?

⁹ Muri iki gihe abagaragu ba Yehova bafite impamvu zimwe n’iza Hezekia zo kwiringira Imana yabo. Uwo Mwami yishingikirizaga mu buryo bwose kuri Yehova; akamufata nk’aho ari Nyagasani Imana Ye. Niyo mpamvu mu gihe Abashuri bamukangishaga cyane, yasenze Yehova muri aya magambo ngo: “Uwiteka [Yehova, MN] nyir’ingabo, Mana y’Isiraeli wicara ku bakerubi, ni wowe wenyine Mana y’ibihugu by’abami bo mw’isi bose, ni wowe waremy’ijuru n’isi. Teg’ ugutwi kwawe, Uwiteka [Yehova, MN], wumve, hwejesh’ amaso yawe, Uwiteka [Yehova, MN], urebe; wumv’ amagambo ya Senakeribu yatumy’ intumwa gutuk’ Imana ihoraho.” (Yesaya 37:16, 17) Mbese iyo abantu banga Yehova babakobye, bakabatuka cyangwa bakabatoteza gusaba nk’uko ntibikuzura mu mutima? Mbese mu gihe witwaje ukwiringira nk’uko ntusenga Yehova kugira ngo akure igitutsi ku izina rye? Iyo ni yo yari imiterere y’imyifatire ya Yesu Kristo mbere ho gato y’urupfu rwe rwo ku giti cy’umubabaro. Yageze n’aho asaba ko igikombe yari agiye kunyweraho ‘kimurenga’ kure kubera igisebyo kinini cyane icyo gikombe cyari kigiye gusiga Se.​—Matayo 26:39-44.

10. (a) Isengesho rya Hezekia riduhishurira iki kerekeranye n’icyari kimuteye impungenge? (b) Mu gihe duhanganye n’ibigergezo bibanziriza Harumagedoni dushobora dute gusa na Hezekia?

¹⁰ Isengesho rye ryagaragazaga ko atari ukubera kwikunda yashakaga mu kugira ngo akire Abashuri; ntabwo yashakaga gusa kurokora ubuzima bwe. Ahubwo yifuzaga ko izina rya Yehova risingizwa n’ubutware bwe bugakuzwa. Niyo mpamvu gusaba kwe kurangira muri aya magambo ngo: “Nuko none, Uwiteka [Yehova, MN] Mana yacu, ndakwinginze, udukiz’ amaboko ye, kugira ngw’ abami bo mw’ isi bose bamenye kw’ ari wowe Uwiteka [Yehova, MN] wenyine.” (Yesaya 37:20) Natwe rero mu gihe turwana n’ibigeragezo bibanziriza intambara ya nyuma ya Harumagedoni ntitwibagirwe ko agakiza kacu ka bwite kaza ku mwanya wa kabiri ugereranije n’ukwezwa kw’izina rya Yehova. Nk’uko Nyagasani Imana yacu yabivuze inshuro nka 60 abinyujije ku muhanuzi we Ezekieli: “Maze bamenye yuko nd’ Uwiteka [Yehova, MN].”​—Ezekieli 38:23.

11. (a) Ni irihe kosa Senakeribu yakoze kandi Yehova yabimubwiyeho Iki? (b) Duhereye ku byageze aho bikaba kuri Senakeribu ni nde tugomba kwiringira?

¹¹ Hezekia amaze kurangiza isengesho rye, Yesaya yamumenyesheje amagambo Yehova yari yavuze kuri Senakeribu. Mbega ikosa uwo mwami wa Ashuri w’umutukanyi yakoze igihe yasebeshaga Imana ibaho! Abinyujije kuri Yesaya Yehova yavuze ibya Senakeribu ngo: “Uwo watonganij’ ukamutuka ni nde? Ni nde wakanitse, ukamureb’ igitsure? Ni Uwera wa Isiraeli.” Rwose ni Uwera wa Isiraeli muri iryo joro wagaragaje igikorwa. Umumarayika umwe gusa wa Yehova wenyine yishe abasirikare b’abashuri 185,000, umurato wa Senakeribu, abahindura ‘imirambo, intumbi’. Uwo mwami w’umwirasi yasubiye i Ninewe afite isoni, imyaka mike nyuma y’aho ahotorwa n’abahungu be bwite, mu gihe yari ahugiye mu kuramya. Dushobora rero kwiringira Yehova, azagirira nk’ibyo Satani n’ingabo ze zituka Yehova mu buryo bw’ibisebyo, kandi bagatoteza Abahamya ba Yehova.​—Yesaya 37:23, 36-38.

“Abishwe” bazahorerwa

12. (a) Ni mu yahe magambo muri Yesaya 26:21 hatubwira ibizakemurwa kuri Harumagedoni? (b) Ni “abishwe” bahe bazahorerwa mbere ya Harumagedoni kandi bazahorerwa bate?

¹² Tumaze kuvuga iby’intambara iteye ubwoba, ariko ikirushijeho gutera ubwoba ni ikotaniro rizaba mu gihe cy’ ‘umubabaro ukomeye.’ (Matayo 24:21) Yehova aradusaba kwita ku burebure bw’ubwo burimbuzi: “Kuk’ Uwiteka [Yehova, MN] aj’ aturuka mu buturo bge, azanywe no guhanir’ abo mw’ isi gukiranirwa kwabo’ isi izagaragaz’ amaraso yayo, kandi nta bg’ izongera gutwikir’ abapfuye bo muri yo.” (Yesaya 26:21) Mbere na mbere Yehova azakora ku buryo ibihangange bya gipolitiki bisohoz’ ibyo urubanza acira abashima amakosa y’amadini; muri uwo munsi abo ntibazarokorwa n’imana zabo z’ibinyoma. Papa ashobora gukomeza gutegura amateraniro y’amasengesho ahuza amadini yose ya “Babuloni Ikomeye”. Nta n’umwe mu bateza imbere guhuriza hamwe amadini uha icyubahiro Imana y’ukuri iriho, ari yo Yehova. Inyigisho zabo zirakocamye, kubera ko zidahuje n’Ibyanditswe Byera, kandi n’ibikorwa byabo ni bibi. Abo basangiye idini bagiye barimbagurana uko ibinyajana byagiye bisimburana, bongeraho no kumena amaraso y’Abakristo batagira urugomo. Mu kinyajana cya 20, benshi muri bo bagiye bater’inkunga abayobozi b’igitugu b’abanyarugomo biciye Abahamya ba Yehova mu magereza no mu bigo babagiriragamo nabi bakabarasa cyangwa bakabicisha amashoka. Nk’uko rero Yehova yabitangaje yeruye abinyujije mu bahanuzi be, abo “bishwe” bazahorerwa.​—Gutegeka 32:41, 43; Yesaya 1:24; 63:4; Ibyahishuwe 17:15-18; 18:21, 24.

13. Dukurikije ubuhanuzi bwa Yesaya hazaba iki ku munsi wa Yehova kandi ayo magambo yerekezwa kuri nde?

¹³ Idini y’ibinyoma nimara kurimburwa, Yehova azahindukirira vuba abandi bantu barwanya Ubwami bwa Kristo. Abongabo na “Babuloni Ikomeye”nibo amagambo agaragara muri Yesaya 13:6, 9 avuga ngo: “Nimuboroge: kuk’ umunsi w’Uwiteka [Yehova, MN] uri bugufi’ uzaza ar’ umunsi wo kurimbuka uturutse kw’ Ishoborabyose. Dore umunsi w’Uwiteka [Yehova, MN] uraje uzazan’ uburakari bg’inkazi n’umujinya mwinshi, uhindur’ igihugu imyirare, urimbure n’abanyabyaha bo muri cyo bagishiremo.” Ibyo bizabaho, neza nk’uko umunyazaburi yabivuze mbere hose ngo: “Uwiteka [Yehova, MN] arind’ abamukunda bose; Ariko, abanyabyaha bos’ azabarimbura.”​—Zaburi 145:20; Ibyahishuwe 19:11-21.

14. Ni ayahe magambo yandi ya Yesaya amahanga yagombye kwitondera kandi ni ukubera iki?

¹⁴ Amahanga yose y’isi yari akwiriye kwita ku magambo Yesaya yanditse nyuma yaho mu gice cya 34, umurongo wa 1 kugeza 8 mu gitabo cye ngo: “Mwa mahanga mwe, nimwigire hafi ngo mwumve; mwa moko mwe, nimuteg’ amatwi . . . Kuk’ Uwiteka [Yehova, MN] arakariy’ amahanga yose, akab’afitiy’ ingabo zayo zos’ umujinya; yarabarimbuye rwose, arabatanga ngo bapfe. Intumbi z’ingabo zabo zizajugunywa hanze, umunuko waz’ uzakwira hose, kand’ imisoz’ izatengurwa n’amaraso yabo . . . Kuk’ uwo muns’ ar’ uwo guhora k’Uwiteka [Yehova, MN].” Mur’iki gihe politiki, ubucuruzi, n’idini ry’ikinyoma bitwikiriwe n’ibikorwa bibi n’ubusambanyi bw’uburyo bwose. Ariko ibyo ari byo byose, Yehova yiyemeje gusukura isi, ni nayo mpamvu asohora amahanga akanateranya abantu biteguye guhindura ubu imibereho yabo mishya kugira ngo babone uko bamukorera mu bukiranutsi hanyuma bazarokoke. Abandi bantu basigaye bazagomba gupfa mu munsi wo guhora kwe.—Yeremiya 25:31-33.

Paradiso y’“amahoro”

15. Yesaya mu gice cya 35 cy’igitabo cye avuga iki cyerekeranye (a) n’igihe cyacu? (b) n’ibihe bizaza?

¹⁵ Mu gice cya 35 mu gitabo cy’umuhanuzi Yesaya, arerekana mu mvugo yuzuye urugwiro n’ubwiza imimerere abagaragru ba Yehova bungukirwa n’ihinduka rishya ry’ibintu ryasezeranijwe, bakaba abantu bamwiringira. Kubera kuba barakoranirijwe muri Paradiso y’umwuka, abo bantu “bazareb’ ubgiza bg’Uwiteka [Yehova, MN], n’igikundiro cy’Imana yacu.” Bategereje kandi nanone paradiso nyayo igaragara, kimwe no kuzuzwa kw’iri sezerano ngo: “Icyo gih’impumyi zizahumuka, n’ibipfamatwi bizaziburwa. Icyo gih’ ikirema kizasimbuka nk’impara, ururimi rw’ikiragi ruzaririmba: kukw’ amaz’ azadudubiriza mu butayu, imigez’ igatembera mu kidaturwa.” (Yesaya 35:1, 2, 5, 6) Mbese icyo kiringiro kirakunezeza? Mbese wiringira Yehova ufite ikizere nyakuri cy’uko azasohoza amasezerano ye yose?

16, 17. (a) Yesaya ahamagara ate mu buryo bwihutirwa mu gihe yavugaga Paradiso? (b) Abagaragu ba Yehova bagombye kwitaba bate iryo hamagarwa?

¹⁶ Bishoboka wenda ko kwiringira Yehova kwawe kuguteza, gutera inkunga abigishwa bashya, kimwe n’abandi Bakristo bafite ukwizera gukeneye gukomezwa. Umuhanuzi Yesaya acimbura amagambo ye aranga Paradiso kugira ngo ahamagare byihutirwa ngo: “Mukomez’ amaboko atentebutse, mukomez’ amav’ asukuma. Mubgir’ abafit’ imitim’ itinya muti: Mukomere, ntimutinye: dore, Imana yany’ izazana guhora, ni ko kwitura kw’Imana: izaz’ ibakize.” (Yesaya 35:3, 4) Mu by’ukuri twifuza kubona abantu bose banezezwa n’ubukiranutsi, biringira Yehova ari byo bizatuma bashobora kuba ku isi izahindurwa Paradiso.

¹⁷ Kubera iyo mpamvu rero dukomez’ amaboko atentebutse, kugira ngo ashobore kwizirika ku ijambo ry’ubugingo. Dukomez’ ab’amavi asukuma kandi tubafashe mu bintu bakeneye kugira ngo bashobore gukurikira ibi ngo “mugende nk’uko bikwiriy’ ab’Umwami wacu, mumunezeze muri byose.” (Abafilipi 2:16; Abakolosai 1:10) Ni koko, duhoze abahagaritse imitima, duteran’ inkunga mu gihe havutse ibigeregezo cyangwa gutotezwa, dufite intego ivuga ngo “bakarushaho gutinyuka no kuvug’ Ijambo ry’Imana bashiz’amanga”. Abafilipi 1:14; 1 Abatesalonike 5:14; Abefeso 5:15, 16) Ubwo rero bizatuma dushobora kwiringira ko ubwo igihe umunsi wo guhora kwa Yehova uzaba ugeze, tuzagira imigisha y’Imana yacu ubwo ‘izaza kurokora ubwoko bgayo.’ Mbese uzaba uri mu biringira Yehova azarokora kuri uwo munsi?

18. Ni ibihe byiza biri imbere bitegereje abiringira Yehova kandi ni iki biyemeje?

¹⁸ Mbega ibyiringiro biri inyuma y’uwo munsi utey’ubwoba ku bakomeza kwiringira Yehova! Abarenganya abandi, abo banyabyaha batihana bazaba barimbutse. Mu isi nshya abakunda Yehova bazongera kubona ugutungana bikomotse k’Umwana we. Ubwo rero niho bazasibwaho icyaha cyose. Ntabwo se bigutindiye kugeza muri icyo gihe? Ubwo rero kwiringira Yehova kwawe kuzatuma ubona uwo munsi w’igitangaza. Nibyo koko, komeza kwiringira Yehova, kuko ibyo bizakuzanira agakiza.

Isubiramo

◻ Indirimbo yo gutsinda iri muri Yesaya igice cya 26 idutera inkunga yihe?

◻ Ni uwuhe “murwa wishyira hejuru” Yehova azacisha bugufi kandi tuwuribata dute?

◻ Isengesho Hezekia yavuze igihe yari yugarijwe na Senakeribu ritwigisha iki?

◻ “Abishwe bavugwa muri Yesaya 26:21 bazahorerwa bate?

◻ Tuzamererwa dute nitwiringira Yah Yehova?

[Agasanduku ko ku ipaji ya 14]

Leta yo kwa Papa irakurikiranwaho icyaha?

Ikinyamakuru World Press Review cyavuze inyandiko yo mu kindi kinyamakuru cyitwa II Giornale cy’i Milano, cyanditswe na Umberto Siniscaldi ngo: “Urukiko rwa mbere rw’iremezo rwo mu Butaliyani ubu ruyarimo kubera ko rwasheshe mu kwa Karindwi [1987], itabwa muri yombi ry’abayobozi batatu ba Banki ya Vatikani bari bafite uruhare mu marorerwa yakorewe Banki Ambrosiano.” Muri icyo cyemezo bishingikirije ku masezerano ashaje Vatikani na Leta y’Ubutariyani byagiranye aha ubudakoreka prezida w’iyo banki uba ari umwarkiepiskopi, kimwe n’umuyobozi mukuru n’umucungamari. Iyo nyandiko irongera ngo: “Hari bamwe babivuga nabi n’ubwo batavuga ko ari ikosa ry’abacamanza, ariko bemeza ko ayo masezerano atukisha itegeko nshinga ryUbutaliyani baha ududakoreka abantu bakoreye ibyaha ku butaka bw’Ubutaliyani. Abacamanza barasaba icyemezo cyatuma ubucamanza bw’Ubutaliyani bukurikirana Leta yo kwa Papa kubera ibyaha bikorewe mu Butaliyani.”