Samweli Waciwiri

 3 Mulungu ndi mwala wanga,+ kule kunathawira ine;

Iye ndi xango yanga+ na mpulumusi wanga wamphambvu,* pakuthawira panga pakutsidzikizika*+

Pontho ndimwe mbuto yanga yakuthawira,+ mpulumusi wanga;+ imwe musandipulumusa m’manja mwa anthu ­akuipa.

 4 Ndiri kucemera Yahova, wakuti athema kusimbwa,

Pontho ine ndinadzapulumuswa m’manja mwa anyamalwa anga.

 5 Mabimbi anabweresa kufa andizungulira;+

Amuna akuipa ninga nkulo wakudzala na madzi andithusa.+

 6 Nkhambala za Nthumbi* zandizungulira;+

Kufa kwateya nsampha kutsogolo kwanga.+

 7 Mu nyatwa zanga ine ndacemera Yahova,+

Ndapitiriza kucemera Mulungu wanga.

Natenepa iye abva fala yanga kubulukira mu templo yace,

Pontho makutu ace abva n’khuwo wanga wakuphemba ciphedzo.+

 8 Dziko yapantsi yatoma kutekenyeka mbitete­mera;+

Pinthu pinalikhisa kudzulu pyatekenyeka+

Pontho pyasukusika thangwi iye akhadaipirwa.+

 9 M’mphuno mwace mwabuluka utci,

Pontho nkanwa mwace mwabuluka moto wakufudza;+

Mwa iye mwabuluka makala a moto.

10 Iye apendamisa kudzulu mbatcita,+

Pontho makole akupswipa akhali pantsi pa manyalo ace.+

12 Buluka penepo iye acita nsasa wa cidima n’khundu mwace,+

Wa madzi a cidima na wa makole akupswipa.

14 Buluka penepo Yahova atoma kudhima kudzulu;+

Mulungu Wankulu Kakamwe acitisa kuti fala yace ibviwe.+

15 Iye aponya mapswimo ace mbaabalalisa;+

Iye aamalisa ndzeru+ na njazi.

16 Mule munapita na bara mwaoneka pakweca;+

Padatoma dziko yapantsi paoneka thangwi ya kusandika kwa Yahova,

Pontho thangwi ya mphambvu ya muya unabuluka m’mphuno mwace.+

17 Iye afuthula djanja yace bulukira kudzulu;

Iye andiphata mbandibulusa m’madzi akuzika.+

18 Iye andipulumusa m’manja mwa nyamalwa wanga wamphambvu,+

Andipulumusa kuna ale akhandiida, akuti akhali amphambvu kupiringana ine.

19 Iwo abwera kuna ine pa ntsiku ya nyatwa zanga,+

Mbwenye Yahova andiphedza.

20 Iye andiendesa pa mbuto ya citsidzikizo;*+

Iye andipulumusa thangwi akhakomerwa na ine.+

21 Yahova asandipasa nkhombo mwakubverana na ulungami wanga;+

Iye asandipasa nkhombo thangwi manja anga+ nkhabe mulando.*

22 Thangwi ine ndisapitiriza kufamba munjira za Yahova,

Pontho ine nee ndacita cinthu cakuipa, cakuti ndi kusiya Mulungu wanga.

23 Matongero ace onsene+ ali m’manyerezero mwanga;

Ine nee ndinasiya mitemo yace.+

24 Ine ndinapitiriza kukhala wakusowa mulando+ pamaso pace,

Pontho ndinacalira pyakuipa.+

25 Yahova mbandipase nkhombo mwakubverana na ulungami wanga,+

Pontho mwakubverana na kusowa kwanga mulando pamaso pace.+

26 Kuna munthu wakukhulupirika imwe musacita pinthu mwakukhulu­pirika;+

Kuna munthu wakusowa mulando na wamphambvu, imwe musantsalakana mwakusowa mulando;+

27 Kuna anthu akucena, musapangiza kuti ndimwe wakucena,+

Mbwenye kuna anyakunyengeza imwe nkhabe nyengezwa.+

28 Thangwi imwe musapulumusa anthu akucepe­seka,+

Mbwenye nee musakomerwa na anthu akudzikuza, pontho imwe musaacepesa.+

29 Imwe Yahova ndimwe nyale yanga;+

Yahova ndimwe anandimwanikira ndingakhala ncidima.+

30 Na ciphedzo canu, ine ndinakwanisa kumenyana na nsoka wa anyakutapata;

Na mphambvu za Mulungu ine ndinakwanisa kukwira mpanda.+

31 Njira ya Mulungu wandimomwene ndi yakulungama;+

Mafala a Yahova ndi akucena.+

33 Mulungu wandimomwene ndi pakuthawira panga pakuwanga,+

Pontho iye anadzalungamisa njira yanga.+

34 Iye asacitisa miyendo yanga kukhala ninga ya mbawala;

Iye asandicitisa kulimira m’mbuto za padzulu.+

35 Iye asapfundzisa manja anga kumenya nkhondo;

Mikono yanga inakwanisa kukunga uta wa nkuwa.

36 Imwe musandipasa xango yanu yacipulumuso,

Pontho kucepeseka kwanu kusandikuza.+

37 Musakuza njira inapita na mathanyo anga;

Manyalo anga nee anadzatherezeka.+

38 Ndinadzatowera anyamalwa anga mbandiapha;

Ine nee ndinadzabwerera mpaka kuapha onsene.

39 Ine ndinadzaapha mbandianyedza toera iwo akhonde kulamuka;+

Iwo anadzagwa pantsi mbandiaponda.

40 Imwe munadzandipasa mphambvu toera kumenya nkhondo;+

Munadzagwisa anyamalwa anga pamaso panga.+

41 Imwe munadzacitisa kuti anyamalwa anga andithawe;*+

Ine ndinadzapha* ale anandiida.+

42 Iwo asaphemba ciphedzo, mbwenye nkhabepo anafuna kuapulumusa;

Asaphemba Yahova, mbwenye iye nkhabe kuatawira.+

43 Ine ndinadzaapeya mpaka kukhala ninga pfumbi ya mataka;

Ndinadzaating’inda mbandiaponda ninga matope a m’miseu.

Munadzanditsidzikiza toera ndikhale ntsogoleri wa madzindza;+

Ndinadzatumikirwa na mbumba inakhonda ine kudziwa.+

45 Anthu a dziko inango anadzandigodamira thangwi yakugopa;+

Pinafuna kubva iwo thangwi ya ine, pinaacitisa kundibvera.*

46 Anthu a dziko inango anadzaluza cipapo;*

Iwo anadzabwera nakutetemera buluka m’mbuto zawo za citsidzikizo.

48 Mulungu wandimomwene asabwezera pyakuipa anyamalwa anga;+

Iye asacitisa kuti anthu akhale pantsi pa manyalo anga;+

49 Iye asandipulumusa m’manja mwa anyamalwa anga.

Imwe musandiikha padzulu+ pa ale anamenyana na ine;

Musandipulumusa m’manja mwa munthu wakuipa.+

50 Na thangwi ineyi, ine ndinapereka takhuta kuna imwe Yahova pakati pa madzindza,+

Pontho ine ndinaimba nyimbo zakusimba dzina yanu:+

51 Iye asacita pinthu pizinji toera kupulumusa mambo wace;+

Iye asapangiza ufuni wakukhonda mala kuna nyakudzodzwa wace,

Kuna Dhavidhi na anace* kwenda na kwenda.”+