• Eksodho 34:6, 7
    Bhibhlya ya Dziko Ipswa

    • 6 Yahova apita na patsogolo pace, mbalonga: “Yahova, Yahova, Mulungu wantsisi+ na wakukoma ntima,*+ wakupirira,*+ waufuni kakamwe*+ na waundimomwene,*+ 7 iye asapangiza ufuni kuna pikwi na pikwi pya anthu,+ mbalekerera madodo na madawo,+ mbwenye iye cipo anasiya kuti nyakudawa akhonde kutcunyuswa,+ pontho thangwi ya madawo a ababa, iye asatcunyusa ana, adzukulu na ana a adzukulu.”+

  • Izaiya 1:18
    Bhibhlya ya Dziko Ipswa

    • 18 Yahova alonga:+ “Bwerani titongesane toera timalise nseru uli pakati pathu.

      Maseze madawo anu akhale akufuira,

      Iwo anadzacena kakamwe ninga neve;*+

      Maseze akhale akufuira kakamwe,

      Iwo anadzacena kakamwe ninga thonje.

  • Izaiya 44:22
    Bhibhlya ya Dziko Ipswa

    • 22 Ine ndinadzafudza madawo ako mbakhala ninga aphimbirwa na khole,+

      Pontho madawo ako anadzakhala ninga aphimbirwa na khole yakupswipa kakamwe.

      Bwerera kuna ine, thangwi ine ndinadzakuombola.+

  • Yeremiya 50:20
    Bhibhlya ya Dziko Ipswa

    • 20 Yahova alonga: “Mu ntsiku zenezi na mu ndzidzi unoyu,

      Madodo a Izraeli anadzasakwa,

      Mbwenye nee anadzaoneka,

      Pontho madawo a Yuda nee anadzagumanwa,

      WL20Thangwi ndinadzalekerera ale anafuna ine kusiya toera akhale na umaso.”+