៧ ប៉ុន្តែ ព្រះ​យេហូវ៉ា​មាន​ប្រសាសន៍​ទៅ​សាំយូអែល​ថា​៖ ​«​កុំ​មើលតែ​សម្បក​ក្រៅ​ឬ​កម្ពស់​របស់​គាត់​ឡើយ+ ខ្ញុំ​មិន​បាន​ជ្រើស​រើស​គាត់​ទេ។ របៀប​ដែល​មនុស្ស​មើល គឺ​ខុស​ពី​របៀប​ដែល​ព្រះ​មើល ព្រោះ​មនុស្ស​មើល​តែ​សម្បក​ក្រៅ ប៉ុន្តែ​ព្រះ​យេហូវ៉ា​មើល​ក្នុង​ចិត្ត​វិញ​»។+

៣ ​«​ឱ​ព្រះ​យេហូវ៉ា​អើយ! ខ្ញុំ​សូម​អង្វរ​លោក សូម​លោក​ចាំ​ពី​ការ​ដែល​ខ្ញុំ​បាន​បម្រើ​លោក​យ៉ាង​ស្មោះ​ត្រង់​និង​យ៉ាង​អស់​ពី​ចិត្ត ហើយ​ខ្ញុំ​តែង​តែ​ប្រព្រឹត្ត​អ្វី​ដែល​លោក​ពេញ​ចិត្ត​ជា​និច្ច​»។+ រួច​ហេសេគា​បាន​យំ​យ៉ាង​ខ្លាំង។

១៧ ឱ​ព្រះ​នៃ​ខ្ញុំ​អើយ! ខ្ញុំ​ដឹង​ច្បាស់​ថា​លោក​ស្ទង់​មើល​ចិត្ត​មនុស្ស​ទាំង​អស់+ ហើយ​លោក​ពេញ​ចិត្ត​មនុស្ស​ដែល​មាន​ចិត្ត​ស្មោះ​ឥត​ងាក​រេ។+ ខ្ញុំ​បាន​ជូន​លោក​នូវ​អ្វី​ៗ​ទាំង​នេះ​ដោយ​ស្មោះ​អស់​ពី​ចិត្ត ហើយ​ខ្ញុំ​ក៏​ត្រេក​អរ​ក្រៃ​លែង​ពេល​ឃើញ​រាស្ត្រ​របស់​លោក​ជូន​អំណោយ​ដល់​លោក​ដោយ​ស្ម័គ្រ​ពី​ចិត្ត។