ගීතාවලිය

108 දෙවියනි, මාගේ සිත ස්ථිරව තිබේ.+

මම ගී ගයමින් ඔබට ප්‍රශංසා කරන්නෙමි.+

මා තුළ තිබෙන පවිත්‍ර සිතුවිලිවලින් මම ඔබට ප්‍රශංසා කරන්නෙමි.+

 2 තත් භාණ්ඩත් වීණාත්, අවදි වන්න.+

මමද හිමිදිරියේ පිබිදෙන්නෙමි.+

 3 යෙහෝවා දෙවියනි, මම සෙනඟ අතරේ ඔබට ප්‍රශංසා කරන්නෙමි.+

ජාතීන් අතරේ ඔබට ප්‍රශංසා ගී ගයන්නෙමි.+

 4 මන්ද ඔබ පෙන්වන අතිමහත් ප්‍රේමය* ස්වර්ගය දක්වාම නැඟ තිබේ.+

ඔබේ විශ්වාසවන්තකම අහසේ වලාකුළු දක්වාම විහිදී තිබේ.+

 5 දෙවියනි, ඔබට ලැබෙන ගෞරවය ස්වර්ගයටත් ඉහළින් පැතිරේවා!+

ඔබේ තේජස පොළොව පුරාම පැතිරේවා!+

 6 දෙවියනි, ඔබට ප්‍රේම කරන අයව ගලවාගන්න.+

මට සවන් දී ඔබේ දකුණතින් මාව බේරාගන්න.+

 7 ශුද්ධ දෙවි මෙසේ කීවේය.+

“මම කැමති කෙනෙකුට ෂීකෙම් නුවර+ උරුමයක් ලෙස දෙන්නෙමි.+

මහත් ප්‍රීතියකින් සුක්කොත් තැනිතලාව+ බෙදා වෙන් කර දෙන්නෙමි.

 8 මනස්සේ+ හා ගිලියද්+ මට අයිතිය.

එෆ්‍රායිම් මා පත් කළ ප්‍රධානියාගේ බලකොටුවය.+

යූදා මාගේ රාජ යෂ්ටියය.*+

 9 මා අත් පා සෝදාගන්නා භාජනය+ මෝවබ්ය.+

මම ඒදොම්+ වෙතට මාගේ පාවහන් ගලවා වීසි කරන්නෙමි.+

පිලිස්තියාව+ පරදවා මම ජය නාද නඟන්නෙමි.”+

10 පවුරුවලින් වට වූ සුරක්ෂිත නුවරට මාව ගෙන යන්නේ කවුද?+

ඒදොම් වෙතට යෑමට මට මඟ පෙන්වන්නේ කවුද?+

11 දෙවියනි, එසේ කරන්නේ ඔබ නොවේද?+

නමුත් දෙවියනි, තවමත් ඔබ අපව අත්හැර දමා ඇත. ඔබ අපේ හමුදාවේ උපකාරයට පැමිණියේ නැත.+

12 දෙවියනි, අපේ විපත්තියේදී අපට උපකාර කරන්න.+

මන්ද ගැලවීම ලබාගැනීමට මිනිසා මත විශ්වාසය තැබීම නිෂ්ඵලය.+

13 අපිට අවශ්‍ය ශක්තිය අපි ඔබගෙන් ලබන්නෙමු.+

ඔබ අපේ සතුරන්ව පාගා දමන බව ස්ථිරය.+