6 ඒ අවස්ථාවේදී යෙහෝවා දෙවි මෝසෙස්ව පසු කර යමින් මෙසේ ප්‍රකාශ කළේය. “යෙහෝවා දෙවි වන මා දයාන්විතය.+ කරුණාවන්තය.+ කෝප වීමට ඉක්මන් නොවන්නෙමි.+ යෙහෝවා දෙවි වන මම ඉමහත් ප්‍රේමයක්*+ පෙන්වන්නෙමි. සැමවිටම විශ්වාසවන්තව+ ක්‍රියා කරන්නෙමි.

3 මා කියන දේ අසා+ මා ළඟට එන්න.+ මට සවන් දී ඔබේ ජීවිතය රැකගන්න.+ එවිට කිසිදා වෙනස් නොවන ගිවිසුමක් මම ඔබ සමඟ ඇති කරන්නෙමි.+ එය මා දාවිත්ට දක්වන සදාතනික ප්‍රේමය* හා බැඳි ගිවිසුමකි.+

11 ප්‍රීති ඝෝෂාවේ හඬද+ මනාලයාගේ හා මනාලියගේ හඬද ඇසෙනු ඇත. “ස්වර්ගයේ සේනාවල අධිපති වන යෙහෝවා දෙවිට ප්‍රශංසා කරන්න. යෙහෝවා ඉතා යහපත් දෙවි කෙනෙකි.+ ඔහුගේ අතිමහත් ප්‍රේමය* සැමදා පවතින්නේය”+ කියා සෙනඟ පවසන හඬ දේශයෙන් ඇසෙනු ඇත.’

“‘වහල්භාවයේ සිටින සෙනඟව මම මේ දේශයට ගෙනෙන්නෙමි. ඔවුහු අතීතයේදී මෙන් මෙහි සතුටින් වාසය කරනු ඇත.+ ඒ කාලයේදී සෙනඟ යෙහෝවා දෙවිගේ ගෘහයට ස්තුති පූජා රැගෙන එන්නෝය’+ කියා යෙහෝවා දෙවි පවසන්නේය.