8 වීණා වයමින් රබන් ගසමින් විනෝද වූ අයගේ ප්‍රීති නාද දැන් අසන්න ලැබෙන්නේ නැත.+

30 “ඔබ මේ සියල්ල ඔවුන්ට ප්‍රකාශ කරන්න. ‘යෙහෝවා දෙවි උස් ස්ථානයක සිට සිංහයෙකු මෙන් ගර්ජනා කරන්නේය.+ ඔහුගේ ශුද්ධ වාසස්ථානයේ සිට ඔහු හඬ නඟන්නේය.+ ඔහු පොළොවේ තිබෙන ඔහුගේ වාසස්ථානයට විරුද්ධව ගර්ජනා කරන්නේය. මිදිපල මඩින මිනිසුන් ප්‍රීති ඝෝෂා නඟන්නාක් මෙන් ඔහුද පොළොවේ සියලු වැසියන්ට විරුද්ධව සටන් කර ජය ඝෝෂා නඟනු ඇත.’+

33 මෝවබ් දේශයෙන් හා පලතුරු වතුවලින් ඇසුණු ප්‍රීති ඝෝෂාව දැන් පහව ගොසින්ය.+ මිදි මඩින යන්ත්‍රයෙන් වෑස්සෙන වයින් සිඳී යෑමට මම සැලැස්වූවෙමි.+ මින් මත්තට කිසිවෙක් ප්‍රීති ඝෝෂා නඟමින් මිදි පාගන්නේ නැත. ඔවුන් ඝෝෂා නැඟුවත් එය ප්‍රීතියෙන් නඟන හඬක් නොවේ.’”+