ගීතාවලිය

6 යෙහෝවා දෙවියනි, කෝපයෙන් මට තරවටු නොකරන්න.+

කේන්තියෙන් මට දඬුවම් නොකරන්න.+

 2 යෙහෝවා දෙවියනි, මම විඩාබරව සිටින්නෙමි. එබැවින් මට කරුණාව පෙන්වන්න.+

යෙහෝවා දෙවියනි, බියෙන් සිටින මාගේ ඇටකටු පවා වෙවුලන්නේය. එබැවින් මට සුවයක් ලබා දෙන්න.+

 3 මම බොහෝ සෙයින් කැලඹී සිටින්නෙමි.+

යෙහෝවා දෙවියනි, මා තව කොපමණ කාලයක් මෙසේ දුක් විඳින්නද?+

 4 යෙහෝවා දෙවියනි, නැවත මා ළඟට පැමිණ+ මාගේ ජීවිතය ගලවාගන්න.+

ඔබ මහත් ප්‍රේමයකින්* පිරි දෙවි කෙනෙක් නිසා මාව බේරාගන්න.+

 5 මිය ගිය අයට ඔබ ගැන කතා කළ හැකිද?+

මිනී වළේ සිටින කිසිවෙකුට ඔබට ප්‍රශංසා කළ හැකිද?+

 6 හඬා වැලපී මම හෙම්බත්ව සිටිමි.+

මාගේ කඳුළුවලින් යහන තෙත් වී ඇත.+

රාත්‍රිය පුරා මා හෙළන කඳුළෙන් මාගේ යහන පෙඟී ඇත.+

 7 ශෝකය නිසා මාගේ ඇස් මලානික වී ඇත.+

හිරිහැර කරන්නන් නිසා මාගේ දෑස් අඳුරු වී ඇත.+

 8 දුෂ්ටකම් කරන සියල්ලෙනි, මාගෙන් ඉවත් වන්න.+

යෙහෝවා දෙවි මාගේ හැඬීමට නිසැකවම සවන් දෙනු ඇත.+

 9 කරුණාව පෙන්වන්න කියා මා කරන ඉල්ලීමට යෙහෝවා දෙවි නිසැකවම සවන් දෙනු ඇත.+

යෙහෝවා දෙවි මා කරන යාච්ඤාව පිළිගනු ඇත.+

10 මාගේ සියලු සතුරෝ ක්ෂණයකින් ලැජ්ජාවට පත් වනු ඇත.+ ඔවුහු බොහෝ සෙයින් කැලඹෙනු ඇත.

ලැජ්ජාවට පත් වූ ඔවුන්ට ආපසු හැරී යෑමට සිදු වනු ඇත.+