මීකා
2 “යහනට ගිය පසුත් නපුරු දේ කිරීමට සැලසුම් කරන අයට දුක් වේ! ඔවුහු යහනේදී දුෂ්ට උපායන් යොදති.+ උදෙන්ම නැඟිට ඒ දේ කිරීමට පිටත්ව යති.+ ඔවුන්ට බලය තිබෙන නිසා ඔවුන්ගේ කුමන්ත්‍රණ සාර්ථක වන්නේය.+ 2 යමෙකුගේ කෙතකට හෝ ගෙයකට හෝ ආශා වුණොත් ඔවුහු කෙසේ හෝ ඒ දෙය අයිති කරගනිති.+ මිනිසෙකුගේ ගේ දොර හෝ ඔහුට උරුම වූ ඉඩකඩම්+ හෝ ඔවුහු වංචාවෙන් පැහැරගන්නෝය.+
3 “එබැවින් යෙහෝවා දෙවි මෙසේ පවසන්නේය. ‘මම මේ සෙනඟට+ දඬුවම් කිරීමට අදහස් කරගෙන සිටින්නෙමි.+ ඒ විපතෙන් ගැලවීමට ඔබෙන් කිසිවෙකුටවත් හැකියාවක් ලැබෙන්නේ නැත.+ ඒ විපතෙන් පසු උඩඟු ලෙස හැසිරෙන+ ඔබව පහත් තත්වයකට ගෙනෙනු ලබන්නේය.+ 4 ඒ දවසේදී ඔබට සිදු වන දේ නිසා ඔබ නින්දා අපහාසවලට ලක් වනු ඇත.*+ “අප සතු සියල්ල අපෙන් පැහැරගෙන ඇත!+ අපේ උරුමය ඔහු අන් අයගේ අතට පත් කළේය!+ අපේ කෙත්වතු සතුරන්ට බෙදා දුන්නේය” කියා ඇතමෙක් ශෝකයෙන් පවසනු ඇත.+ 5 පෙර සේ දාදු දමා දේශයේ ඉඩකඩම් බෙදා ලණුවලින් මැන බැලීමට+ යෙහෝවා දෙවි වන මාගේ සෙනඟ අතරේ දැන් කිසිවෙක් ඉතුරු වී නැත. 6 ජනයෙනි, අනාවැකි නොකියන්න.+ ඔවුහු අනාවැකි කිව්වත් මේ කාරණා ගැන අනාවැකි නොකියන්නෝය. ඔවුහු අනිවාර්යයෙන්ම නින්දාවට පත් වනු ඇත.+
7 “‘යාකොබ්ගේ පුත්‍රයෙනි,+ යමෙක් මාගේ වචනය පිළිපදිමින් නිර්දෝෂ ජීවිතයක් ගත කළොත් ඔහුට යහපතක් සිදු වන්නේ නැද්ද?+ එසේනම්, “යෙහෝවා දෙවි තවත් අපි ගැන ඉවසන්නේ නැද්ද? ඔහු ඇත්තටම අප සමඟ කටයුතු කරන්නේ මේ ආකාරයටද”+ කියා ඔබ අසන්නේ මන්ද?
8 “‘මාගේ සෙනඟ දැන් කටයුතු කරන්නේ සතුරන් ලෙසය.+ යුද්ධයෙන් පසුව හැරී එන අය කිසි භයක් නැතුව තම ගම්බිම් බලා එන්නෝය. ඒ අය ඇඳ පැළඳ සිටින වටිනා දේ පවා ඔබ උදුරාගන්නහුය. 9 ස්ත්‍රියක තම නිවසේ සතුටින් කල් ගෙවනවා දුටුවොත් ඔබ ඇයව එතැනින් පන්නා දමන්නහුය. ඇගේ දරුවන්ට මගේ ආශීර්වාද හිමි කරගන්න ඔබ ඉඩ දෙන්නේ නැත.+ 10 ජනයෙනි, යූදා දේශයෙන් පිටත්ව යන්න.+ එය තවදුරටත් සුරක්ෂිතව ජීවත් විය හැකි ස්ථානයක් නොවෙයි.+ දේශය දූෂ්‍ය වී ඇති නිසා+ එය පිටට මහත් විපතක් පැමිණෙන්නේය. ඒ විපත නිසා බොහෝ දුක් වේදනා ඇති වන්නේය.+ 11 නිෂ්ඵල දේ පසුපස හඹා යන වංක මිනිසෙකු මේ සෙනඟ ළඟට පැමිණ,+ “ඔබට ඇති තරම් වයින්ද මත්පැන්ද බොන්න ලැබෙයි” කියා චාටුබස් දෙඩුවොත් ඔවුහු අනාගතය ගැන දැනගැනීමට හැමදාමත් ඒ මිනිසා ළඟට යන්නෝය.+
12 “‘යාකොබ්ගේ සෙනඟෙනි, මම නැවත ඔබව එක් රැස් කරන්නෙමි.+ ඊශ්‍රායෙල්වරුන් අතරින් ඉතුරු වන අයව මම එක් රැස් කරන්නෙමි.+ එකම ගාලක සිටින බැටළුවන් මෙන්ද තණබිමේ සිටින බැටළු රැළක් මෙන්ද මම ඔවුන්ට එකමුතුව විසීමට සලස්වන්නෙමි.+ එවිට ඔවුහුද ප්‍රීති ඝෝෂා නඟමින් එකට ජීවත් වන්නෝය.’+
13 “ඔවුන්ගේ නායකයා වැටකඩුලු බිඳ දමමින් ඔවුන්ට ඉදිරියෙන් යයි.+ ඔවුහු තමන් ඉදිරියේ තිබෙන දොරටුව බිඳ දමා පිටත්ව යන්නෝය.+ ඔවුන්ගේ නායකයා වන රජු ඔවුන්ට ඉදිරියෙන් ගමන් කරයි. ඔවුන්ට පෙරටුවෙන් ගමන් කරන්නේ යෙහෝවා දෙවිය.”+