නෙහෙමියා

3 උත්තම පූජක එලියාෂිබ්ද+ පූජකයන් වූ ඔහුගේ සහෝදරයෝද බැටළු දොරටුව+ අලුත්වැඩියා කරන්න පටන්ගත්තෝය. ඔවුහු එම ස්ථානය ශුද්ධ ස්ථානයක් ලෙස කැප+ කළ පසු ඊට දොරවල්ද සවි කළෝය. ඔවුහු මේයා+ නම් මුරකොටුව දක්වා ඉදි කිරීම් කටයුතු කර එම ස්ථානයද කැප කළෝය. ඉන්පසු ඔවුහු හනානෙල්ගේ+ මුරකොටුව දක්වා ඉදි කිරීම් කටයුතු කළෝය. 2 එතැන් සිට ඉදි කිරීම් කටයුතු කළේ යෙරිකෝවේ+ මනුෂ්‍යයෝය. ඉම්රිගේ පුත් සක්කූර් ඊළඟ කොටස ඉදි කළේය.

3 හස්සෙනායාගේ පුතුන් ඉදි කළේ මත්ස්‍ය දොරටුවයි.+ ඔවුහු දොරවල් සඳහා ලී රාමුද+ ඒවාට දොරවල්ද+ දොරගුලුද+ සවි කළෝය. 4 ඊළඟ කොටස අලුත්වැඩියා කළේ හක්කොෂ්ගේ පුත්‍රයෙකු වූ උරියාහ්ගේ+ පුත් මෙරේමොත්ය.+ ඊළඟ කොටස කළේ මෙෂෙෂබෙල්ගේ පුත්‍රයෙකු වූ බෙරෙකියාගේ පුත් මෙෂල්ලම්+ හා ඔහුගේ පිරිසයි. බානාගේ පුත් සාදොක්ගේ පිරිස ඊළඟ කොටස අලුත්වැඩියා කළෝය. 5 ඊළඟ කොටසේ අලුත්වැඩියා කටයුතු භාර වුණේ තෙකෝවාහි+ වැසියන්ටය. නමුත් ඔවුන් අතරේ සිටි ප්‍රධානියෝ+ ඉදි කිරීම් කටයුතු භාරව සිටි අයට යටත් වී වැඩ කරන්න අකමැති වූහ.

6 පැරණි නුවරේ දොරටුව+ අලුත්වැඩියා කළේ පාසේයාගේ පුත් යෝයාදා හා බෙසෝදෙයාගේ පුත් මෙෂල්ලම්ය. ඔවුහු දොරවල් සඳහා ලී රාමුද ඒවාට දොරවල්ද දොරගුලුද සවි කළෝය.+ 7 ඊළඟ කොටස අලුත්වැඩියා කළේ ගිබියොන්වරයෙකු+ වූ මෙලෙටියා සහ මෙරොනොත්හි+ වැසියෙකු වූ යාදොන්ය. ඔවුහු මහ ගඟෙන්+ එගොඩ පාලනය කළ ආණ්ඩුකාරයාගේ+ පාලනය යටතේ පැවති ගිබියොන්+ හා මිෂ්පාහි+ වැසියෝ වූහ. 8 ඊළඟ කොටස අලුත්වැඩියා කළේ රන්කරුවෙකු+ වූ හර්හායාගේ පුත් උස්සියෙල්ය. සුවඳ තෙල් සාදන+ අයගෙන් කෙනෙකු වූ හනනියා ප්‍රමුඛ පිරිස ඊළඟ කොටස අලුත්වැඩියා කළෝය. ඔවුහු පළල් පවුර+ දක්වා යෙරුසලමේ මාර්ගවලට ගල් ඇල්ලුවෝය. 9 ඊළඟ කොටසේ අලුත්වැඩියා කටයුතු භාර වූයේ හූර්ගේ පුත් රෙෆායාටය. මුළු යෙරුසලම් දිස්ත්‍රික්කයෙන් එක් කොටසකට අධිපති ලෙස කටයුතු කළේ ඔහුය. 10 ඊළඟ කොටස අලුත්වැඩියා කළේ හරුමෆ්ගේ පුත් යෙදායාය. ඔහු අලුත්වැඩියා කළ කොටස තිබුණේ ඔහුගේ නිවස ඉදිරිපිටය.+ ඊළඟ කොටසේ අලුත්වැඩියා කටයුතු කළේ හෂබ්නෙයාගේ පුත් හට්ටුෂ් ප්‍රමුඛ පිරිසයි.

11 හාරිම්ගේ+ පුත් මල්කියා සහ පාහත්-මෝවබ්ගේ+ පුත් හෂ්ෂුබ් පවුරේ තවත් කොටසක් අලුත්වැඩියා කළෝය. ඔවුහු උදුන් මුරකොටුව+ අලුත්වැඩියා කළෝය. 12 ඊළඟ කොටස හල්ලෝහෙෂ්ගේ පුත් ෂල්ලුම් යටතේ අලුත්වැඩියා කරන ලදි. යෙරුසලම් දිස්ත්‍රික්කයේ අනික් කොටසට අධිපති+ ලෙස කටයුතු කළේ ඔහුය. එම කාර්යයට ඔහුද ඔහුගේ දියණියෝද සහභාගි වූහ.

13 හානුන් සහ ෂානොවාහි+ වැසියන් අලුත්වැඩියා කළේ නිම්න දොරටුවයි.+ ඔවුහු එය ඉදි කර ඊට දොරවල්ද+ දොරගුලුද+ සවි කර කසළ දොරටුව+ දක්වා පවුරෙන් රියන්* දහසක්ද ඉදි කළෝය. 14 කසළ දොරටුව අලුත්වැඩියා කළේ බෙත්-හක්කෙරෙම්+ දිස්ත්‍රික්කයේ අධිපතියෙකු වූ රේකාබ්ගේ පුත් මල්කියාය. ඔහු එම දොරටුව ඉදි කර ඊට දොරවල් සහ දොරගුලු සවි කළේය.

15 මිෂ්පා+ දිස්ත්‍රික්කයේ අධිපතියෙකු වූ කොල්හෝසෙගේ පුත් ෂල්ලුන් උල්පත් දොරටුව+ අලුත්වැඩියා කළේය. ඔහු ඊට වහලක් සාදා දොරවල්+ සහ දොරගුලුද සවි කළේය. මීට අමතරව රජුගේ උද්‍යානය+ අසල තිබෙන ඇළ මාර්ග පොකුණේ+ සිට දාවිත්ගේ නුවර+ මැදින් දිව යන පඩි පෙළ+ දක්වා තිබුණු පවුරද ඔහු අලුත්වැඩියා කළේය.

16 එතැන් සිට ඉදි කිරීම් කටයුතු කළේ බෙත්-ෂූර්+ දිස්ත්‍රික්කයෙන් එක් කොටසකට අධිපති වූ අෂ්බුක්ගේ පුත් නෙහෙමියාය. දාවිත් රජුගේ සොහොන් බිම+ ඉදිරිපිට ඇති කොටස දක්වාත් ඉදි කරනු ලැබූ පොකුණ+ දක්වාත් රණශූරයන්ගේ නිවස+ දක්වාත් ඔහු පවුර අලුත්වැඩියා කළේය.

17 එතැන් සිට අලුත්වැඩියා කටයුතු කළේ ලෙවීවරුන්ය.+ ඒ සඳහා මූලිකත්වය ගත්තේ බානිගේ+ පුත් රෙහුම්ය. එතැන් සිට කෙයිලා+ දිස්ත්‍රික්කයෙන් එක් කොටසකට අධිපති වූ හෂබියා තම දිස්ත්‍රික්කය වෙනුවෙන් අලුත්වැඩියා කටයුතු කළේය. 18 එතැන් සිට ලෙවීවරුන්ගේ සහෝදරයෝ හෙනාදාද්ගේ පුත් බව්වයි යටතේ අලුත්වැඩියා කටයුතුවල නිරත වූහ. ඔහු කෙයිලා දිස්ත්‍රික්කයේ අනික් කොටසේ අධිපති ලෙස කටයුතු කළේය.

19 එතැන් සිට මනින ලද තවත් කොටසක් මිෂ්පාහි+ අධිපතියෙකු වූ යේෂුවාගේ+ පුත් එෂෙර් විසින් අලුත්වැඩියා කරනු ලැබීය. එම කොටස ආධාරක බැම්ම+ අසල පිහිටි අවි ගබඩාවට යන මඟ දක්වා දිව ගියේය.

20 එතැන් සිට මනින ලද තවත් කොටසක් අලුත්වැඩියා කළේ සබ්බයිගේ+ පුත් බාරුක්ය. ආධාරක බැම්මේ සිට උත්තම පූජක එලියාෂිබ්ගේ+ නිවසට ඇතුල් වන ස්ථානය දක්වා දිව ගිය එම කොටස ඔහු අලුත්වැඩියා කළේ මහත් උනන්දුවකිනි.+

21 එතැන් සිට මනින ලද තවත් කොටසක් හක්කොෂ්ගේ පුත්‍රයෙකු වූ උරියාහ්ගේ+ පුත් මෙරේමොත් අලුත්වැඩියා කළේය. ඔහුට භාරව තිබුණේ එලියාෂිබ්ගේ නිවසට ඇතුල් වන ස්ථානයේ සිට එම නිවසේ කෙළවර දක්වා දිවෙන කොටසයි.

22 එතැන් සිට යොර්දාන් දිස්ත්‍රික්කයේ+ විසූ පූජකයෝ අලුත්වැඩියා කටයුතු කළෝය. 23 ඊළඟ කොටස අලුත්වැඩියා කළේ බෙන්ජමින් සහ හෂ්ෂුබ්ය. ඔවුන් අලුත්වැඩියා කළ කොටස තිබුණේ ඔවුන්ගේ නිවෙස් ඉදිරිපිටය. අනනියාගේ පුත්‍රයෙකු වූ මයසේයාගේ පුත් අෂරියා තම නිවස අසල තිබූ පවුර අලුත්වැඩියා කළේය. 24 එතැන් සිට මනින ලද තවත් කොටසක් හෙනාදාද්ගේ පුත් බින්නුයි අලුත්වැඩියා කළේය. ඒ කොටස අෂරියාගේ නිවසේ සිට ආධාරක බැම්ම+ දක්වාද පවුරේ කොන දක්වාද දිව ගියේය.

25 ආධාරක බැම්ම ඉදිරියේ තිබුණු කොටසේ සිට රජමාලිගාවට+ ළඟින් තිබූ මුරකරුගේ මළුවේ+ පිහිටි මුරකොටුව දක්වා ඌසයිගේ පුත් පාලල් අලුත්වැඩියා කළේය. ඊළඟ කොටස අලුත්වැඩියා කළේ පාරොෂ්ගේ+ පුත් පෙදායාය.

26 ඕෆෙල්හි+ වාසය කරමින් සිටි නෙතිනිම්වරු+ නැඟෙනහිර දෙසින් පිහිටි ජල දොරටුව+ දක්වාත් ඉදිරියට නෙරා ඇති මුරකොටුව දක්වාත් අලුත්වැඩියා කටයුතු කළෝය.

27 එතැන් සිට මනින ලද තවත් කොටසක් තෙකෝවාහි+ වැසියෝ අලුත්වැඩියා කළෝය. ඉදිරියට නෙරා ඇති මුරකොටුවේ සිට ඕෆෙල්හි පවුර දක්වා එම කොටස දිව ගියේය.

28 පූජකයෝ අශ්ව දොරටුවට+ උතුරින් තිබූ තම තමන්ගේ නිවෙස් ඉදිරියේ පිහිටි කොටස් අලුත්වැඩියා කළෝය.

29 ඉම්මේර්ගේ පුත් සාදොක්+ තමාගේ නිවස ඉදිරියේ පිහිටි කොටස අලුත්වැඩියා කළේය.

එතැන් සිට නැඟෙනහිර දොරටුවේ+ පාලක ෂෙකනියාගේ පුත් ෂෙමායා අලුත්වැඩියා කටයුතුවල නිරත විය.

30 එතැන් සිට මනින ලද තවත් කොටසක් ෂෙලෙමියාගේ පුත් හනනියාද ෂාලාප්ගේ හයවන පුත්‍රයා වන හානුන්ද අලුත්වැඩියා කළෝය.

බෙරෙකියාගේ පුත් මෙෂල්ලම්+ තමාගේ නිවස*+ ඉදිරියේ පිහිටි කොටස අලුත්වැඩියා කළේය.

31 එතැන් සිට මුරදොරටුව අසල තිබූ නෙතිනිම්වරුන්ගේ+ හා වෙළෙඳුන්ගේ+ නිවෙස් දක්වාත් පවුරු කොනේ පිහිටි උඩුමහල් කාමරය දක්වාත් අලුත්වැඩියා කළේ රන්කරුවන්ගේ+ සංගමයේ සාමාජිකයෙකු වූ මල්කියාය.

32 පවුරු කොනේ පිහිටි උඩුමහල් කාමරය හා බැටළු දොරටුව+ අතර කොටස අලුත්වැඩියා කරනු ලැබුවේ රන්කරුවන් සහ වෙළෙඳුන් විසිනි.