මාක්
8 තවත් දවසක ලොකු සෙනඟක් රැස් වෙලා හිටියා. ඒ වෙලාවේදීත් එයාලට කන්න මුකුත් තිබුණේ නැහැ. ඉතින් යේසුස් ගෝලයන්ට අඬගහලා මෙහෙම කිව්වා. 2 “මට මේ සෙනඟ ගැන දුකයි.+ දවස් තුනක් තිස්සේ එයාලා මාත් එක්ක මෙතන ඉන්නවා. දැන් එයාලට කන්න මුකුත් ඉතුරු වෙලත් නැහැ.+ 3 සමහර අය ඇවිත් ඉන්නේ ගොඩක් දුර ඉඳන්. ඉතින් එයාලව බඩගින්නේ ගෙවල්වලට යැව්වොත් අතරමඟදී එයාලට කලන්තේ හැදිලා වැටෙයි.” 4 ඒත් ඔහුගේ ගෝලයෝ මෙහෙම උත්තර දුන්නා. “මේ වගේ පාළු තැනක අපි කොහොමද මෙච්චර ලොකු සෙනඟකට රොටි හොයන්නේ?” 5 එතකොට ඔහු “ඔයාලා ළඟ රොටි කීයක් තියෙනවාද” කියලා ඇහුවා. “හතක්”+ කියලා ගෝලයෝ උත්තර දුන්නා. 6 ඔහු සෙනඟට බිම ඉඳගන්න කියලා කිව්වා. ඊටපස්සේ ඔහු රොටි හත අරගෙන දෙවියන්ට ස්තුති කරලා ඒවා කඩලා ගෝලයන්ගේ අතට දෙන්න පටන්ගත්තා. ගෝලයෝ ඒවා අරගෙන සෙනඟට බෙදලා දුන්නා.+ 7 එයාලා ළඟ පොඩි මාළු කූරි කීපයකුත් තිබුණා. මාළුවලටත් දෙවියන්ට ස්තුති කළාට පස්සේ ඒවාත් බෙදලා දෙන්න කියලා ඔහු ගෝලයන්ට කිව්වා. 8 සෙනඟ හැමෝම ඇති වෙන කල් කෑම කෑවා. එයාලා ඉතුරු වුණ රොටි කෑලිවලින් විශාල කූඩ හතක් පුරවගත්තා.+ 9 එතන පුරුෂයන් 4,000ක් විතර හිටියා. ඊටපස්සේ ඔහු එයාලව පිටත් කරලා යැව්වා.
10 ඒ වෙලාවෙම යේසුස් ගෝලයන් එක්ක බෝට්ටුවට නැඟලා දල්මනූතය කියන ප්‍රදේශයට ආවා.+ 11 එහෙදී පරිසිවරු ඇවිත් ඔහුත් එක්ක වාද කරන්න පටන්ගත්තා. ඔහු කවුද කියලා ඔප්පු කරන්න අහසෙන් ලකුණක් පෙන්නන්න කියලා එයාලා ඔහුට බල කළා.+ 12 ඉතින් යේසුස්ට ලොකු දුකක් දැනුණා. ඔහු මෙහෙම කිව්වා. “මේ පරම්පරාවට අයිති අය මොකටද ලකුණක් ඉල්ලන්නේ?+ ඇත්තටම මං කියන්නේ මේ පරම්පරාවට කිසිම ලකුණක් ලැබෙන්නේ නැහැ.”+ 13 ඊටපස්සේ ඔහු පරිසිවරු හිටපු තැනින් පිටත් වෙලා ආයෙත් බෝට්ටුවට නැඟලා එගොඩට ගියා.
14 ඒත් රොටි ගෙනියන්න ගෝලයන්ට අමතක වුණා. බෝට්ටුවේ හිටපු එයාලා ළඟ එක රොටියක් ඇරෙන්න වෙන කිසිම දෙයක් තිබුණේ නැහැ.+ 15 ඒ වෙලාවේ යේසුස් හරිම පැහැදිලිව එයාලට මේ අවවාදය දුන්නා. “සෝදිසියෙන් ඉන්න. පරිසිවරුන්ගේ මුහුන්වලිනුයි, හෙරොද්ගේ මුහුන්වලිනුයි පරෙස්සම් වෙන්න.”+ 16 එතකොට ගෝලයෝ රොටි ගේන්න අමතක වුණ එක ගැන රණ්ඩු කරන්න පටන්ගත්තා. 17 ඒක දැකලා යේසුස් එයාලට මෙහෙම කිව්වා. “රොටි ගැන ඇයි ඔයාලා රණ්ඩු කරන්නේ? මං කියන දේවල් තාම පැහැදිලි නැද්ද? ඒවා තේරෙන්නේ නැද්ද? ඒවා තාම ඔයාලාගේ හිත්වලට ගිහින් නැද්ද? 18 ‘ඇස් තිබුණත් ඔයාලට පේන්නේ නැද්ද? කන් තිබුණත් ඇහෙන්නේ නැද්ද?’ ඔයාලට අමතකද 19 මං රොටි පහකින්+ පුරුෂයන් 5,000කට කන්න දුන්න දවස? ඉතුරු වුණ රොටිවලින් කූඩ කීයක් පුරවගත්තාද?” එයාලා මෙහෙම උත්තර දුන්නා. “දොළහක්.”+ 20 “මං රොටි හතකින් පුරුෂයන් 4,000කට කන්න දුන්න වෙලාවේ ඉතුරු වුණ රොටිවලින් විශාල කූඩ කීයක් පුරවගත්තාද?” ගෝලයෝ කිව්වා “හතක්” කියලා.+ 21 එතකොට ඔහු එයාලාගෙන් මෙහෙම ඇහුවා. “තවමත් ඔයාලට තේරුණේ නැද්ද?”
22 එයාලා බෙත්සයිදාවට ආවා. එහෙදී මිනිස්සු අන්ධ කෙනෙක්ව ඔහු ළඟට අරගෙන ඇවිත් ඒ මනුස්සයාව සුව කරන්න කියලා ඔහුට බැගෑපත් වුණා.+ 23 ඔහු ඒ අන්ධ මනුස්සයාව අතින් අල්ලගෙන ගමෙන් එළියට එක්කගෙන ගියා. එයාගේ ඇස්වල කෙළ ටිකක් ගෑවාට පස්සේ+ යේසුස් ඒ මනුස්සයාගේ මූණට අත් තියලා එයාගෙන් මෙහෙම ඇහුවා. “ඔයාට මොනවා හරි පේනවාද?” 24 ඒ මනුස්සයා ඉස්සරහා බලලා “මට මිනිස්සුන්ව පේනවා. හැබැයි මට එයාලව පේන්නේ එහෙට මෙහෙට යන ගස් වගෙයි” කියලා උත්තර දුන්නා. 25 ඊටපස්සේ යේසුස් ආපහු සැරයක් ඒ මනුස්සයාගේ ඇස්වලට අත් තිබ්බා. එතකොට ඒ මනුස්සයා සුව වුණා. එයාට හැම දේම පැහැදිලිව පෙනුණා. 26 ඉතින් යේසුස් ඒ මනුස්සයාව ගෙදර යැව්වා. ඒත් “මේ ගමට යන්න එපා” කියලා ඔහු එයාට කිව්වා.
27 ඊටපස්සේ යේසුස් සහ ඔහුගේ ගෝලයන් සිසේරිය ෆිලිප්පියේ තියෙන ගම්වලට යන්න පිටත් වුණා. එහෙට යන අතරේදී ඔහු ගෝලයන්ගෙන් මෙහෙම ඇහුවා. “මිනිස්සු කියන්නේ මම කවුරු කියලද?”+ 28 ගෝලයෝ මෙහෙම උත්තර දුන්නා. “මිනිස්සු කියනවා ඔයා යොහන් බව්තීස්ත+ කියලා. තවත් අය කියනවා ඔයා එලියා+ කියලා. තවත් සමහරු කියනවා ඔයා අනාගතවක්තෘවරුන්ගෙන් කෙනෙක් කියලා.” 29 ඒ වෙලාවේ යේසුස් එයාලාගෙන් මෙහෙම ඇහුවා. “එතකොට ඔයාලා හිතන්නේ මං කවුරු කියලද?” “ඔයා ක්‍රිස්තුස්”+ කියලා පේතෘස් උත්තර දුන්නා. 30 එතකොට යේසුස් එයාලට තදින්ම කිව්වා තමන් කවුද කියන එක ගැන කාටවත් කියන්න එපා කියලා.+ 31 ඒ වගේම මනුෂ්‍ය පුත්‍රයා ගොඩක් දුක් විඳින්න ඕනෙ කියලත් වැඩිමහල්ලන්, නායක පූජකයන් සහ නීතිය පිටපත් කරන අය ඔහුව ප්‍රතික්ෂේප කරනවා කියලත් මිනිස්සු ඔහුව මරලා දානවා+ කියලත් දවස් තුනකින් ඔහුව නැඟිට්ටවනවා+ කියලත් ඔහු එයාලට පැහැදිලි කරන්න පටන්ගත්තා. 32 ඇත්තටම ඔහු ඒ දේවල් පැහැදිලිව කිව්වා. ඒත් පේතෘස් යේසුස්ව පැත්තකට එක්කගෙන ගිහින් ඒ විදිහට කතා කරපු එක ගැන ඔහුට දොස් කිව්වා.+ 33 එතකොට ඔහු හැරිලා ගෝලයන් දිහා බලලා පේතෘස්ට සැරෙන් මෙහෙම කිව්වා. “සාතන් මගෙන් අහකට යන්න!* ඔයා හිතන්නේ දෙවියන් හිතන විදිහට නෙමෙයි මිනිස්සු හිතන විදිහටයි.”+
34 ඔහු ගෝලයන්ටයි, සෙනඟටයි ඔහු ළඟට කතා කරලා එයාලට මෙහෙම කිව්වා. “මගේ අනුගාමිකයෙක් වෙන්න කෙනෙක් කැමති නම් එයා තමන්ගේ ජීවිතේ දෙවියන්ට සම්පූර්ණයෙන්ම භාර දීලා,* එයාගේ වධකණුව* උස්සගෙන දිගටම මගේ පස්සෙන් එන්න ඕනේ.+ 35 කවුරු හරි තමන්ගේ ජීවිතේ ගලවගන්න හදනවා නම් එයාට ඒක නැති වෙයි. ඒත් මං නිසාත් ශුභාරංචිය නිසාත් කෙනෙක්ට තමන්ගේ ජීවිතේ නැති වුණොත් එයාට ඒක ආපහු ලැබෙයි.+ 36 ඇත්තටම මනුස්සයෙක් මුළු ලෝකයම ලබාගත්තත් එයාට ජීවිතේ නැති වුණොත් ඒකෙන් ඇති වැඩක් තියෙනවාද?+ 37 ඇත්තටම මොනවා දීලාද මනුස්සයෙක්ට තමන්ගේ ජීවිතේ ලබාගන්න පුළුවන්?+ 38 කෙනෙක් මගේ ගෝලයෙක් කියලත් මගේ වචන විශ්වාස කරනවා කියලත් මේ පව්කාර, ද්‍රෝහි පරම්පරාව ඉස්සරහා පිළිගන්න ලැජ්ජා වෙනවා නම් එයාට මොකද වෙන්නේ? මනුෂ්‍ය පුත්‍රයා ශුද්ධ දේවදූතයන් එක්ක තමන්ගේ පියාගේ තේජසින් එද්දී+ ඒ කෙනාව ගෝලයෙක් විදිහට පිළිගන්න ඔහුත් ලැජ්ජා වෙනවා.”+