¹² එබැවින්, දානියෙල් දෙවියන්වහන්සේව ‘සිංහාසනය මත වාඩිවී’ සිටිනවා දැකීමෙන් අදහස් කළේ, උන්වහන්සේ විනිශ්චය ඉටු කිරීමට පැමිණීමය. මීට කලින් දාවිත් මෙසේ ගායනා කළේය: “මක්නිසාද ඔබ [යෙහෝවඃවහන්සේ, NW] මාගේ කාරණයද යුක්තියද ඉෂ්ටකළසේක; ඔබ ධර්මිෂ්ඨලෙස විනිශ්චයකරමින් සිංහාසනයෙහි වැඩහුන්සේක.” (ගීතාවලිය 9:4, 7) තවද යෝවෙල් මෙසේ ලීවේය: “ජාතීහු නැගිට යෙහෝෂාපාත් මිටියාවතට නැගී එත්වා. මක්නිසාද වටකර සිටින සියලු ජාතීන් විනිශ්චයකරන්ට එහි [යෙහෝවඃවහන්සේ] හිඳගන්නෙමි.” (යෝවෙල් 3:12; සසඳන්න යෙසායා 16:5.) යේසුස්වහන්සේ සහ පාවුල් යන දෙදෙනාමද විනිශ්චයක් කළ යම් අවස්ථාවකට හවුල්වූ අතර, එම අවස්ථාවලදී නඩුව ඇසීමටත්, විනිශ්චය දීමටත්, යම් මිනිසෙක් ආසනයක හිඳගත්තේය.b—යොහන් 19:12-16; ක්‍රියා 23:3; 25:6.