22. මෙම අවසන් යුද්ධයේදී සිදු වන දේ යොහන් විස්තර කරන්නේ කෙසේද?

²² මෙම අවසන් යුද්ධයේදී සිදු වන දේ යොහන් විස්තර කරන්නේ මෙලෙසයි. “අශ්වයා පිට ඉඳගෙන සිටින තැනැත්තාටද ඔහුගේ සේනාවටද විරුද්ධව යුද්ධ කරන පිණිස, වන මෘගයා හා පොළොවේ රජවරුන්ද ඔවුන්ගේ සේනාද රැස්ව සිටිනවාත් මම දුටිමි. එවිට වන මෘගයාවද ඌ ඉදිරිපිට ලකුණු සිදු කර, වන මෘගයාගේ සලකුණ ලැබූ අයවත් උගේ රූපයට නමස්කාර කරන අයවත් නොමඟ යැවූ බොරු අනාගතවක්තෘවරයාවද හසු කරගන්නා ලදි. ඔවුන් දෙදෙනාව පණ පිටින් ගෙන්දගමින් දැවෙන ගිනිවිලට හෙළන ලදි. නමුත් ඉතිරි අයව, අශ්වයා පිට ඉඳගෙන සිටින තැනැත්තාගේ කටින් නික්මෙන දිග කඩුවෙන් මරනු ලැබුවේය. ඔවුන්ගේ මාංසමය කොටස්වලින් සියලු කුරුල්ලෝ තෘප්තිමත් වූහ.”—එළිදරව් 19:19-21.

25. (අ) “අශ්වයා පිට ඉඳගෙන සිටින තැනැත්තාගේ කටින් නික්මෙන දිග කඩුවෙන් මරනු” ලැබූ අය කවුරුන්ද? (ආ) මෙසේ “මරනු ලැබූ” අයට නැවත නැඟිටීමක් තිබෙයි කියා අප අපේක්ෂා කළ යුතුද?

²⁵ මිනිස් ආණ්ඩුවලට කෙළින්ම සම්බන්ධ නොවුණත් යහමඟට ගන්න බැරි මෙම දුෂ්ට මිනිස් සමාජයට අයත් සියලුදෙනාව “අශ්වයා පිට ඉඳගෙන සිටින තැනැත්තාගේ කටින් නික්මෙන දිග කඩුවෙන් මරනු” ලබනවා. ඔවුන්ට මරණය නියම විය යුතු බව යේසුස් තීන්දු කරනවා. ඔවුන්ගේ මරණය ගැන කතා කරද්දී ගිනිවිල ගැන සඳහන් වෙන්නේ නැති නිසා ඔවුන්ට නැවත නැඟිටීමක් තිබෙයි කියා අප අපේක්ෂා කළ යුතුද? ඒ අවස්ථාවේදී යෙහෝවා දෙවිගේ විනිශ්චයකරු වන යේසුස් විසින් මරනු ලබන කිසිවෙකු නැවත නැඟිටිනවා කියා බයිබලයේ කිසිම තැනක සඳහන් වෙන්නේ නැහැ. යේසුස් පවා පැවසුවේ “බැටළුවන්” නොවන අය “යක්ෂයාටත් ඔහුගේ දූතයන්ටත් සූදානම් කර තිබෙන සදාකාල ගින්නට” නියම වන බවයි. එනම් ඔවුන්ව ‘සදහටම කපාහරිනු’ ලබනවා. (මතෙව් 25:33, 41, 46) “අභක්තික මිනිසුන්ගේ විනාශයේ දවස” අවසන් වෙන්නේ මෙලෙසයි.—2 පේතෘස් 3:7; නාහුම් 1:2, 7-9; මලාකි 4:1.