• Pisarema 42:mashoko ekusuma-11
    Bhaibheri—Shanduro yeNyika Itsva

    • Kumutungamiriri. Maskiri.* Rwiyo rwevanakomana vaKora.+

      42 Senondo inosuwa hova dzemvura,

      Ndinokusuwai,* haiwa Mwari.

       2 Ndine* nyota yekuva naMwari, yekuva naMwari mupenyu.+

      Ndingauya riini kuzozviratidza pamberi paMwari?+

       3 Misodzi yangu yava zvekudya zvangu siku nesikati;

      Vanhu vanoswera vachindinyomba vachiti: “Mwari wako ari kupi?”+

       4 Izvi ndizvo zvandinoyeuka, uye ndinodurura mweya* wangu,

      Nekuti ndaimbofamba nevanhu vakawanda;

      Ndaimbofamba zvishoma nezvishoma ndiri pamberi pavo tichienda kuimba yaMwari,

      Tichifara uye tichionga,

      Ruzhinji rwevanhu ruchipemberera mutambo.+

       5 Nei ndapererwa* netariro?+

      Nei ndisina kugadzikana mukati mangu?

      Mirira Mwari,+

      Nekuti ndichamurumbidzazve seMuponesi wangu mukuru.+

       6 Mwari wangu, ndapererwa* netariro.+

      Ndokusaka ndichikuyeukai,+

      Ndiri munyika yeJodhani nepanzvimbo dzakakwirira dzeHemoni,

      Ndiri paGomo reMiza.*

       7 Mvura yakadzika inoshevedza mvura yakadzika

      Painonzwa kutinhira kwemapopoma emvura yenyu.

      Masaisai enyu ese ane simba andinyudza.+

       8 Masikati Jehovha achandipa rudo rwake rusingachinji,

      Uye manheru rwiyo rwake ruchava neni, munyengetero kuna Mwari weupenyu hwangu.+

       9 Ndichati kuna Mwari, kuibwe rangu:

      “Mandikanganwireiko?+

      Nei ndichifanira kufamba ndakasuruvara nemhaka yekudzvinyirirwa nemuvengi wangu?”+

      10 Vavengi vangu vanondinyomba zvekuda kundiuraya;*

      Vanoswera vachindinyomba vachiti: “Mwari wako ari kupi?”+

      11 Nei ndapererwa* netariro?

      Nei ndisina kugadzikana mukati mangu?

      Mirira Mwari,+

      Nekuti ndichamurumbidzazve seMuponesi wangu mukuru uye Mwari wangu.+