• 1 Samueri 18:6-8
    Bhaibheri—Shanduro yeNyika Itsva

    • 6 Dhavhidhi nevamwe pavaidzoka vachibva kunouraya vaFiristiya, vakadzi vaibuda mumaguta ese evaIsraeri vachiimba+ nekutamba kuti vanochingura Mambo Sauro, vaine matambureni,+ vachifara uye vaine zviridzwa zvine tambo nhatu. 7 Vakadzi vacho vaipemberera vachiimba vachiti:

      “Sauro akauraya zviuru zvake,

      Uye Dhavhidhi makumi ezviuru zvake.”+

      8 Sauro akatsamwa kwazvo,+ uye rwiyo urwu rwakamugumbura nekuti aiti: “Vapa Dhavhidhi makumi ezviuru, asi ini vandipa zviuru. Changosara ndechekuti vamupe umambo!”+

  • 1 Samueri 29:4, 5
    Bhaibheri—Shanduro yeNyika Itsva

    • 4 Asi machinda evaFiristiya akamutsamwira, akati kwaari: “Ita kuti murume uyu adzokere.+ Ngaadzokere kunzvimbo yawakamupa. Usamurega achienda nesu kunorwa, kuti asazotipandukira patinenge tichirwa.+ Nekuti chii chimwe chaangaita kuti afarirwe nashe wake chinopfuura kumupa misoro yevarume vedu? 5 Uyu haasi iye here Dhavhidhi uya wavakaimba nezvake vachitamba, vachiti:

      ‘Sauro akauraya zviuru zvake,

      Uye Dhavhidhi makumi ezviuru zvake’?”+