• Pisarema 70:1-5
    Bhaibheri—Shanduro yeNyika Itsva

    • 70 Haiwa Mwari, ndinunureiwo;

      Haiwa Jehovha, kurumidzai kuzondibatsira.+

       2 Dai vaya vari kutsvaga kundiuraya*

      Vakanyara uye vakashaya pekupinda.

      Dai vaya vari kufarira dambudziko rangu

      Vakadzokera vachinyara.

       3 Dai vaya vari kuti: “Tsvatu waro! Tsvatu waro!”

      Vakamanikidzwa kudzokera vachinyara.

       4 Asi itai kuti vaya vari kukutsvagai

      Vapembere nemufaro vachikufarirai.+

      Vaya vanoda mabasa enyu ekuponesa ngavagare vachiti:

      “Mwari ngaakudzwe!”

       5 Asi ini handina simba uye ndiri murombo;+

      Haiwa Mwari, kurumidzai kundibatsira.+

      Ndimi mubatsiri wangu uye mununuri wangu;+

      Haiwa Jehovha, musanonoka.+