• Isaya 6:11, 12
    Bhaibheri—Shanduro yeNyika Itsva

    • 11 Ndakabva ndati: “Kusvikira riini, haiwa Jehovha?” Iye akati:

      “Kusvikira maguta aparara kuita matongo, asisina anogara maari

      Uye dzimba dzisisina vanhu

      Uye nyika yaparara, isisina chinhu;+

      12 Kusvikira Jehovha aendesa vanhu kure kure+

      Uye kusvikira nzvimbo yakakura yenyika yacho yava dongo.

  • Jeremiya 26:18
    Bhaibheri—Shanduro yeNyika Itsva

    • 18 “Mika+ wekuMoresheti akaprofita pamazuva aMambo Hezekiya+ weJudha, uye akati kuvanhu vese veJudha, ‘Zvanzi naJehovha wemauto:

      “Ziyoni richarimwa semunda,

      Jerusarema richava matongo,+

      Uye gomo rine Imba* yacho richaita senzvimbo dzakakwirira dziri musango.”’*+

  • Ezekieri 36:4
    Bhaibheri—Shanduro yeNyika Itsva

    • 4 inzwai shoko raChangamire Ishe Jehovha imi makomo eIsraeri! Zvanzi naChangamire Ishe Jehovha kumakomo nezvikomo, kuhova nemipata, kunzvimbo dzakaitwa matongo,+ uye kumaguta asisina vanhu ayo akapambwa uye akasekwa nevanhu vakapona vemarudzi akapoteredza;+