• Isaya 2:2, 3
    Bhaibheri—Shanduro yeNyika Itsva

    •  2 Mumazuva ekupedzisira,*

      Gomo reimba yaJehovha

      Richanyatsosimbiswa pamusoro pemakomo,+

      Uye richakwidziridzwa kupfuura zvikomo,

      Uye marudzi ese achadirana achienda kwariri.+

       3 Uye marudzi mazhinji achaenda, oti:

      “Uyai, ngatikwirei kugomo raJehovha,

      Kuimba yaMwari waJakobho.+

      Iye achatirayiridza nezvenzira dzake,

      Uye isu tichafamba mumakwara ake.”+

      Nekuti mutemo* uchabuda muZiyoni,

      Uye shoko raJehovha richabuda muJerusarema.+

  • Isaya 56:6, 7
    Bhaibheri—Shanduro yeNyika Itsva

    •  6 Kana vari vekune imwe nyika vanouya kuna Jehovha kuti vamushumire,

      Kuti vade zita raJehovha,+

      Uye kuti vave vashumiri vake,

      Vese vaya vanochengeta Sabata uye vasingarisvibisi

      Uye vanobatisisa sungano yangu,

       7 Ndichavaunzawo kugomo rangu dzvene,+

      Ndoita kuti vafare chaizvo muimba yangu yekunyengeterera.

      Mipiro yavo inopiswa nezvibayiro zvavo zvichagamuchirwa paatari yangu.

      Nekuti imba yangu ichanzi imba yekunyengeterera yemarudzi ese.”+

  • Mika 4:1, 2
    Bhaibheri—Shanduro yeNyika Itsva

    • 4 Mumazuva ekupedzisira,*

      Gomo reimba yaJehovha+

      Richanyatsosimbiswa pamusoro pemakomo,

      Uye richakwidziridzwa kupfuura zvikomo,

      Uye marudzi achadirana achienda kwariri.+

       2 Marudzi mazhinji achaenda, oti:

      “Uyai, ngatikwirei kugomo raJehovha

      Uye kuimba yaMwari waJakobho.+

      Iye achatirayiridza nezvenzira dzake,

      Uye isu tichafamba mumakwara ake.”

      Nekuti mutemo* uchabuda muZiyoni,

      Uye shoko raJehovha richabuda muJerusarema.

  • Zekariya 8:22, 23
    Bhaibheri—Shanduro yeNyika Itsva

    • 22 Vanhu vazhinji nemarudzi ane simba vachauya kuzotsvaga Jehovha wemauto muJerusarema+ uye kuzoteterera Jehovha kuti avanzwire nyasha.’

      23 “Zvanzi naJehovha wemauto, ‘Mazuva iwayo varume gumi vemitauro yese yemarudzi+ vachabata, chokwadi vachanyatsobata nguo* yemuJudha,* vachiti: “Tinoda kuenda nemi,+ nekuti takanzwa kuti Mwari anemi.”’”+