Rwiyo rwaSoromoni

2 “Ndinongovawo zvangu ruva resafuroni remubani remumhenderekedzo yegungwa,

Ruva remumapani.”+

 2 “Seruva riri pakati peminzwa

Ndizvo zvakaita mudiwa wangu pakati pevanasikana.”

 3 “Semuti wemuapuro uri pakati pemiti yemusango,

Ndizvo zvakaita mudiwa wangu pakati pevanakomana.

Ndinoda chaizvo kugara mumumvuri wake,

Uye muchero wake unotapira mukanwa mangu.

 4 Akandiunza muimba yemabiko,*

Uye rudo rwake rwakanga rwakaita semureza pamusoro pangu.

 5 Ndigutse nemakeke emazambiringa akaomeswa;+

Ndisimbise nemaapuro,

Nekuti ndiri kurwara nerudo.

 6 Ruoko rwake rweruboshwe ruri pasi pemusoro wangu,

Uye ruoko rwake rwerudyi rwakandimbundira.+

 7 Ndinoita kuti mupike, imi vanasikana veJerusarema,

Nemhara+ uye nenondo dzemusango:

Uyo! Ari kuuya,

Achikwira makomo, achisvetuka zvikomo.

Uyo ari apo, akamira kuseri kwemadziro edu,

Achitarisa nepamahwindo,

Achidongorera nepamahwindo emaburi maburi.

‘Simuka, iwe mudiwa wangu,

Tsvarakadenga yangu, ngatiende tese.

12 Maruva ava kuoneka panyika,+

Nguva yekuchekerera miti yasvika,+

Uye rwiyo rwenjiva rwava kunzwika munyika yedu.+

13 Muonde wava kuibvisa maonde awo ekutanga;+

Mizambiringa yava nemaruva uye yava kunhuhwirira.

14 Iwe njiva yangu yakazororera pakati pematombo,+

Iri munzvimbo yekuhwanda mumawere,

Rega ndikuone, ndinzwe inzwi rako,+

Nekuti inzwi rako rinofadza uye chimiro chako chakanaka.’”+

15 “Tibatire makava,

Makava madiki anoparadza minda yemizambiringa,

Nekuti minda yedu yemizambiringa yava nemaruva.”

17 Kusvikira kwava kufefetera uye mimvuri yava kutiza,

Dzoka nekukurumidza, iwe mudiwa wangu,

Semhara+ kana kuti senondo diki hono+ iri pamakomo ekuparadzana.*