24, 25. Jehovha anotaurazve nezvaKoreshi achiti kudii, uye izvi zvinotiyeuchidza nezvohumwe uprofita hupi?

²⁴ Jehovha anotaurazve nezvaKoreshi achiti: “Ndamutsa mumwe unobva kurutivi rwokumusoro, zvino wasvika; mumwe unobva kumabudazuva, unodana zita rangu; iye uchatsika vabati samatope somuumbi unokanya ivhu.” (Isaya 41:25)d Kusafanana navanamwari vemarudzi, Jehovha anogona kuita zvinhu. Paanounza Koreshi achibva kumabvazuva, kubva “kumabudazuva,” Mwari acharatidza kukwanisa kwake kufanotaura zviri mberi nokuzviita kuti zvizadzike zvaakafanotaura.

²⁵ Mashoko aya anotiyeuchidza nezvokurondedzera kwouprofita kwomuapostora Johani, kwemadzimambo achamutswa kuti aite chiito munguva yedu. Pana Zvakazarurwa 16:12, tinoverenga kuti nzira ichagadzirirwa “madzimambo anobva kunobuda nako zuva.” Madzimambo aya haasi vamwe kunze kwaJehovha Mwari naJesu Kristu. Kungofanana naKoreshi akanunura vanhu vaMwari kare, madzimambo ane simba guru kwazvo aya achaparadza vavengi vaJehovha nokufudza vanhu vake nomudambudziko guru kupinda munyika itsva yokururama.—Pisarema 2:8, 9; 2 Petro 3:13; Zvakazarurwa 7:14-17.