-
“Hapana Kana Mumwe Wenyu Achaparara”Kupa “Uchapupu Hwakasimba nezveUmambo hwaMwari”
-
-
“Akatenda Mwari pamberi pavo vese.”—Mabasa 27:35
16, 17. (a) Mukana upi wakashandiswa naPauro kunyengetera, uye zvakabatsirei? (b) Zvakanga zvagara zvataurwa naPauro zvakazoitika sei?
16 Pashure pemavhiki maviri ngarava ichingoendeswa kwemakiromita anenge 870, vanhu vaiifambisa vakatanga kuona kuti zvinhu zvakanga zvati chinjei, zvichida vachinzwa masaisai airovera kumahombekombe. Vakadzikisa zvinhu zvinotsigisa ngarava kuti irege kukukurwa uye kuti vainangise kumahombekombe voimisa. Panguva iyoyo ndipo pavakaedza kutiza asi vakatadziswa nemasoja. Pauro akaudza mukuru weuto nemauto ake kuti: “Kana varume ava vakasaramba vari mungarava, hamusi kuzoponeswa.” Paakaona kuti ngarava yakanga yati dzikamei, Pauro akakurudzira vanhu vese kuti vambodya, achivavimbisazve kuti vaizopona. Pauro akabva “atenda Mwari pamberi pavo vese.” (Mab. 27:31, 35) Paakapa munyengetero uyu wekutenda, Pauro akaratidza Ruka, Aristako uye vaKristu vese mazuva ano zvavanofanira kuita. Minyengetero yako yaunopa uchimiririra vamwe paruzhinji inokurudzira uye inonyaradza here?
-