9. Munyori wepisarema anoenzanisa nechii makore ane chiuru okuvapo kwevanhu?

⁹ Munyori wepisarema akafuridzirwa kutaura kuti kuMusiki anorarama nokusingaperi, makore ane chiuru okurarama kwevanhu akaenzana nenguva pfupi pfupi. Achitaura naMwari, akanyora kuti: “Munodzosera munhu kuguruva; muchiti: Dzokai vana vavanhu. Nokuti kwamuri makore ane chiuru akangofanana nezuva razuro kana rapfuura, senguva yokurinda yousiku.”—Pisarema 90:3, 4.

11. Nei tingati nguva refu kwatiri ipfupi pfupi kuna Mwari?

¹¹ Kuna Jehovha, kunyange Metusara aiva nemakore 969 akararama risingasviki zuva rimwe. (Genesi 5:27) Kuna Mwari makore ane chiuru akangoita sazuro—nhambo yemaawa 24 chete—kana apfuura. Munyori wepisarema anotaurawo kuti kuna Mwari makore ane chiuru akangoita semaawa mana okurinda kwomurindi usiku. (Vatongi 7:19) Saka zviri pachena kuti nguva refu kwatiri ipfupi pfupi kuna Mwari asingagumi, Jehovha.