22. Jehovha anofanotaura nguva yemberi yorudzii (a) kuvanopfidza? (b) kune vakaipa?

²² Achisiyanisa nguva yemberi yevanopfidza neyevanorambira munzira dzavo dzakaipa, Jehovha anozivisa kuti: “Ndini ndinosika zvibereko zvemiromo; . . . Rugare, rugare kuno uri kure nokuno uri pedyo, ndichamuporesa. Asi vakaipa vakafanana negungwa rakabvongodzwa; nokuti harigoni kuzorora, asi mvura yaro inobudisa matope namarara. . . . Vakaipa havana rugare.”—Isaya 57:19-21.

24. (a) Ndivanaani vanosvika pakuziva rugare rwaMwari, uye nomugumisiro wei? (b) Ndivanaani vasingasviki pakuziva rugare, uye zvinoguma sei nokuda kwavo?

²⁴ Chibereko chemiromo chinofadza sei icho vaJudha vanofanira kunge vachipa sezvavanodzokera kunyika yokumusha kwavo vachirumbidza Jehovha nokuimba! Vanofanira kuve vachifara kuziva rugare rwaMwari, vangave vari “kure”—kure nenyika yeJudha, vachimirira kudzokera—kana kuti “pedyo”—vatova munyika yokumusha kwavo kare. Kusiyana kwazvo neizvi, zvinhu hazvina kudaro kune vakaipa! Vose vanokundikana kuita chimwe chinhu nechirango chaJehovha, vakaipa vacho pasinei nokuti ndiani kana kuti varipi, havana rugare zvachose. Vachiita segungwa risina kugadzikana, vanoramba vachibudisa, kwete zvibereko zvemiromo, asi “matope namarara,” zvose zvisina kuchena.