“Tarirai! Mushandi wangu wandakasarudza, anodiwa wangu, akafarirwa nomweya wangu! Ndichaisa mudzimu wangu paari, uye achabudisa pachena kumarudzi kuti kururamisira chii. Haazokakavari, kana kushevedzera, uyewo hapana munhu achanzwa inzwi rake mumigwagwa yakafara. Hapana tsanga yakakuzvuka yaachapwanya, uye hapana tambo inopfungaira yomufurakisi yaachadzima, kusvikira aita kuti kururamisira kubudirire. Chokwadi, marudzi achava netariro muzita rake.”—Mateu 12:18-21; Isaya 42:1-4.

Jesu anoendawo nemashoko ake anonyaradza kuvaya vakaita setsanga dzakakuzvuka, dzakatyorwa. Vakaita setambo inopfungaira, yava pedyo nokudzima. Jesu haabve apedzisa tsanga yacho yakakuzvuka kana kudzima tambo iri kupfungaira. Asi anotomutsa vanyoro nerudo uye nounyoro. Zvechokwadi, Jesu ndiye munhu anopa marudzi tariro!