• Ungawana Hama Yako
    Nharireyomurindi—1999 | October 15

    • 5, 6. Maererano nemashoko akapoteredza, Mateo 18:15 yakanga ichitaura nezvekutadza kwerudzii, uye chii chinoratidza izvozvo?

      5 Kutaura chaizvoizvo, zvakanyeverwa naJesu zvine chokuita nenhau dzakakura kupfuura idzi. Jesu akati: “Kana hama yako ikatadza.” Mupfungwa yakakura, ‘kutadza’ kunogona kuva chikanganiso chero chipi zvacho kana kuti kukundikana. (Jobho 2:10; Zvirevo 21:4; Jakobho 4:17) Zvisinei, mashoko akapoteredza anoratidza kuti kutadza kwaireva Jesu kunofanira kuva kwakanga kwakakura. Kwakanga kwakakura zvakakwana zvokuti kwaigona kuita kuti akakanganisa wacho aonekwe “somunhu wemamwe marudzi uye somuteresi.” Mashoko iwayo anorevei?

      6 Vadzidzi vaJesu vainzwa mashoko iwayo vaiziva kuti vanhu vomunyika mavo vaisazoshamwaridzana neVamamwe Marudzi. (Johane 4:9; 18:28; Mabasa 10:28) Uye vaisada zvachose kuonana nevateresi, varume vaiva vorudzi rwechiJudha asi vakava vanhu vanoshandisa vamwe zvisina kufanira. Nokudaro kutaura zvakananga, zvinotaurwa pana Mateo 18:15-17 kutadza kwakakura, kwete tumhosva twunoitwa nomunhu kana kuti kurwadziwa zvaunogona kungokanganwira ndokukanganwa.—Mateo 18:21, 22.a

  • Ungawana Hama Yako
    Nharireyomurindi—1999 | October 15

    • a Cyclopedia yaMcClintock naStrong inoti: “Vashandi vekanzuru [vateresi] vomuTest[amende] Itsva vaionekwa sevatengesi uye vakaramba kutenda, vakasvibiswa nokusonganirana kwavo kwakanyanya nevahedheni, zvishandiso zvinoda kushandiswa nomudzvinyiriri. Vaiiswa muboka rimwe nevatadzi . . . Vasiyiwa vega kudaro, vanhu vakadzikama vaisazosonganirana navo, shamwari dzavo chete dzaiwanikwa pane avo, kufanana navo, vakanga vakaraswa.”