▪ Kwasara nguva pfupi kuti Jesu afe, akagadzirisa chinhu chakaipa kwazvo chaiitika mutemberi. Bhaibheri rinoti: “Jesu . . . akadzingira kunze vose vaya vaitengesa nokutenga mutemberi, akapidigura tafura dzevaichinja mari nemabhenji evaya vaitengesa njiva. Uye akati kwavari: ‘Zvakanyorwa kuti, “Imba yangu ichanzi imba yokunyengeterera,” asi imi muri kuiita bako remakororo.’”—Mateu 21:12, 13.

Kushora kwakaita Jesu vaichinja mari achivati vakanga vava kuita temberi yaJehovha “bako remakororo” kwairatidza kuti vaichaja mari yakawandisa.