Boka raneta rawana pokupotera pachitsuwa chinonzi Merita. Vagari vepo ‘vanhu vanotaura mutauro usiri wavo,’ chaizvoizvo “vaitaura mutauro wokumwe” (chiGiriki, barʹba·ros).c Asi vanhu veMerita havana utsinye. Zvakapesana neizvozvo, Ruka, aifamba naPauro, anoshuma kuti “vakatiitira unyoro kwazvo; nokuti vakabatidza moto, vakatigamuchira tose, nokuda kwemvura yakanga ichinaya, uye nokuda kwechando.” Pauro pachake anokumbanira vagari vepaMerita pakuunganidza nokuisa tsotso pamoto.—Mabasa 28:1-3, mashoko omuzasi.