• ‘Vanhuwo Zvavo, Vasina Kudzidza’
    Kupa “Uchapupu Hwakasimba nezveUmambo hwaMwari”

    • 18. Vanhu vemuungano yekuJerusarema vaibatsirana sei?

      18 Ungano yakanga ichangotanga muJerusarema yakawedzera nekukurumidza zvekutosvika vanhu vanopfuura 5 000.d Vadzidzi vakanga “vaine mwoyo nemweya mumwe,” pasinei nekuti vaibva kwakasiyana-siyana. Vakanga vakabatana pamafungiro avo. (Mab. 4:32; 1 VaK. 1:10) Vadzidzi havana kungogumira pakunyengetera kuti Jehovha akomborere basa ravo. Vakatsigirana pakunamata uye pazvinhu zvekurarama nazvo. (1 Joh. 3:16-18) Tinoona izvozvo pane zvakaitwa nemudzidzi Josefa, ainziwo Bhanabhasi nevaapostora; akatengesa munda wake akapa ungano mari yacho yese kuti vaya vakanga vabva kunzvimbo dziri kure neJerusarema vabatsirike pavakanga vachiwedzera kudzidza nezvezvinhu zvavakanga vava kutenda.