RAIBHURARI YEPAINDANETI yeWatchtower

Kutaura “Neushingi Nesimba raJehovha”

Kupa “Uchapupu Hwakasimba nezveUmambo hwaMwari”
- 8. Nei Pauro naBhanabhasi vakabva muIkoniyumu, uye tinodzidzei pane zvavakaita?
  
  ⁸ Nekufamba kwenguva vaya vaipikisa Pauro naBhanabhasi muIkoniyumu vakaronga kuvatema nematombo. Pauro naBhanabhasi pavakazvinzwa vakasarudza kuenda kunopupurira kune dzimwe nzvimbo. (Mab. 14:5-7) Ndizvo zvinoitwawo nevazivisi veUmambo mazuva ano. Panotaurwa zvakaipa pamusoro pedu, tinotaura neushingi. (VaF. 1:7; 1 Pet. 3:13-15) Asi patinoona kuti pava kuda kumuka mhirizhonga, hatiiti chivindi chisina basa tichiisa upenyu hwedu nehwevamwe pangozi.—Zvir. 22:3.

Kutaura “Neushingi Nesimba raJehovha”

Kupa “Uchapupu Hwakasimba nezveUmambo hwaMwari”
- Ikoniyumu yaiva pamuganhu wenharaunda dzeGaratiya dzinoti Rikaoniya neFrijiya. Vamwe vanyori vekare, vakadai saCicero naStrabo, vaiti Ikoniyumu yaiva guta reRikaoniya, uye zvechokwadiwo guta racho raiva munharaunda iyoyo. Asi Mabasa inoratidza kuti Ikoniyumu yakasiyana neRikaoniya, nharaunda yaitaurwa “mutauro wechiRikaoniya.” (Mab. 14:1-6, 11) Izvi zvinoita kuti vamwe vatsoropodze bhuku raMabasa vachiti harisi rechokwadi. Asi muna 1910, vanochera matongo vakaona zvinhu zvakanyorwa zvairatidza kuti mutauro wechiFrijiya ndiwo waitaurwa muIkoniyumu makore 200 pashure penguva dzakashanyirwa nharaunda iyi naPauro naBhanabhasi. Saka munyori waMabasa akanga akarurama paakasiyanisa Ikoniyumu nemaguta eRikaoniya.