• Ko Jehovha Anotungamirira Sei Sangano Rake?
    Vakabatana Mukunamatwa kwaMwari Wechokwadi Bedzi

    • 11. (a) Mabasai anokosha anoitwa navakadzi mukati megadziriro youbati ushe hwoumwari? (b) Ndiriini pavanodikanirwa kupfeka chifukidziro chomusoro, uye nei?

      11 Magwaro anoraira kuti nzvimbo dzokutarisira muungano dzitarisirwe navarume. Ikoku hakuzati kuchitongoderedza vakadzi, nokutika vazhinji vavo vanobatanidzwa pakati pavadyi venhaka voUmambo hwokudenga. Kupfurikidza nomufambiro uno mwero, wakachena nokushingaira mukutarisira mhuri dzavo, vakadzi vechiKristu vanobetserawo kumukurumbira wakaisvonaka weungano. (Tito 2:3-5) Vanowanzoita zvizhinji zvebasa mukuwana vachangobva kufarira ndokuvabatanidza nesangano. (Pis. 68:11) Asi kudzidzisa mukati meungano kunotarisirwa navarume vakagadzwa. (1 Tim. 2:12, 13) Uye kana pasina varume vanokwaniriswa pamusangano unogadzirwa neungano, ipapo mukadzi angapfeka chifukidziro chomusoro paanotungamirira kana kuti kunyengetera.a Nenzira iyeyo anoratidzira kuremekedza gadziriro yaJehovha, sezvo Jesu akagadza muenzaniso nokuda kwavose mukuzviisa pasi paBaba vake.—1 VaK. 11:3-16; Johane 8:28, 29.

  • Ko Jehovha Anotungamirira Sei Sangano Rake?
    Vakabatana Mukunamatwa kwaMwari Wechokwadi Bedzi

    • a Zvisinei, iye haazati achida chifukidziro chomusoro pakuparidza paimba neimba, sezvo mutoro wokuparidza mashoko akanaka uri pana maKristu ose. Asika kana migariro ichida kuti iye aitise fundo yeBhaibheri yapamusha murume wake aripo (musoro wake, kunyange zvazvo asati ari muKristu), anofanira kupfeka chifukidziro chomusoro. Uyewo, kana, somugariro usingawanzoitika, mutezorume wakazvitsaurira weungano uripo apo iye anoitisa fundo yeBhaibheri yapamusha yakafanogadzirirwa, anofanira kufukidza musoro wake, asi munhurume anofanira kupa munyengetero.