RAIBHURARI YEPAINDANETI yeWatchtower

Kubhabhatidzwa Idanho Rinokosha

Rarama Nekusingaperi Uchifara!—Kosi yeBhaibheri
- 3. Munhu angaita sei kuti azokwanisa kubhabhatidzwa?
  
  Unogona kugadzirira kubhabhatidzwa nekutanga wadzidza nezvaJehovha, wotanga kutenda maari. (Verengai VaHebheru 11:6.) Ruzivo rwako parunenge rwuchiwedzera uye kutenda kwako kuchikura, kuda kwaunoita Jehovha kunowedzerawo. Uchatanga kuva nechido chekuparidza nezvake nemitemo yake. (2 Timoti 4:2; 1 Johani 5:3) Kana munhu angotanga kurarama “zvinokodzerana nezita raJehovha,” achinyatsomufadza, anogona kusarudza kutsaurira upenyu hwake kuna Mwari obva abhabhatidzwa.—VaKorose 1:9, 10.a

Kubhabhatidzwa Idanho Rinokosha

Rarama Nekusingaperi Uchifara!—Kosi yeBhaibheri
- a Kana munhu akambobhabhatidzwa kune imwe chechi, anofanira kubhabhatidzwa zvakare. Nei zvakadaro? Nekuti chechi iyoyo yakanga isingadzidzise chokwadi chiri muBhaibheri.—Ona Mabasa 19:1-5 uye Chidzidzo 13.

Wagadzirira Kubhabhatidzwa Here?

Rarama Nekusingaperi Uchifara!—Kosi yeBhaibheri
- 1. Unofanira kuziva zvakawanda sei kuti uzobhabhatidzwa?
  
  Kuti ubhabhatidzwe, unofanira kuva “neruzivo rwakarurama pamusoro pechokwadi.” (1 Timoti 2:4) Izvi hazvirevi kuti unofanira kuziva kese kari muBhaibheri usati wabhabhatidzwa. VaKristu vanongoramba vachidzidza kunyange vava nemakore vabhabhatidzwa. (VaKorose 1:9, 10) Asi kuti ubhabhatidzwe unofanira kunge wava kunzwisisa dzidziso dzinokosha dzemuBhaibheri. Vakuru vemuungano vachakubatsira kuti uzive kuti, neruzivo rwawava narwo, wava kukodzera here kubhabhatidzwa.