Psalmet

4 Kur të thërras, përgjigjmu, o Perëndia im i drejtë!+

Kur të kem vuajtje, hapma rrugën e çlirimit!

Më jep hir+ dhe dëgjoma lutjen!

 2 Deri kur, o bij të njerëzve, do të fyhet lavdia ime,+

përderisa doni gjëra të kota

dhe kërkoni të gjeni diçka të gënjeshtërt? Selah.

 3 Por dijeni se Jehovai do ta heqë mënjanë besnikun e tij+ për ta nderuar,

Jehovai do të më dëgjojë kur t’i thërras.+

 4 Kur të jeni të trazuar, mos mëkatoni.+

Flitini zemrës në shtratin tuaj+ dhe heshtni. Selah.

 5 Bëni flijimet e drejtësisë+

dhe kini besim te Jehovai.+

 6 Ka shumë njerëz që thonë: «Kush do të na bëjë të shohim të mira?»

O Jehova, le të shndritë mbi ne drita e fytyrës sate!+

 7 Në zemër do të më japësh gëzim+

më të madh se gëzimi i tyre, kur kanë drithë e verë të re me bollëk.+

 8 Në paqe do të bie të fle,+

sepse vetëm ti, o Jehova, më jep siguri.+