17 Tani, vëllezër, ju nxit të rrini syhapur ndaj atyre që shkaktojnë përçarje e që bëhen shkak pengese, në kundërshtim me çdo gjë që keni mësuar. Rrini larg tyre,+ 18 sepse këta lloj njerëzish nuk janë skllevër të Zotërisë tonë Krisht, por të oreksit të tyre të pangopur.* Me fjalë të sheqerosura e lajkatuese ata joshin zemrat e naivëve.

2 Megjithatë, edhe mes popullit të Izraelit kishte profetë të rremë, sikurse edhe mes jush do të ketë mësues të rremë.+ Këta do të krijojnë tinëzisht mes jush sekte shkatërrimtare për besimin e do të mohojnë madje edhe pronarin që i bleu,+ duke sjellë kështu mbi veten një shkatërrim të shpejtë.