Psalmi

Mbromë nga njerëzit e dhunshëm,+

 2 nga ata që bluajnë veç të këqija në zemër,+

që gjithë ditën e ditës kërkojnë vetëm sherr.

 3 Porsi gjarpri e mprehin gjuhën;+

helm nepërkash kanë nën buzë.+ (Selah)

Më ruaj nga njerëzit e dhunshëm,

nga ata që thurin plane për të më vënë shkopinj në rrota.

 5 Fodullët fshehin gracka për të më zënë,

e përgjatë shtegut tim, me litarë hapin një rrjetë;+

oh, sa kurthe më ngrenë!+ (Selah)

 7 O Zotëri Sovran Jehova, Shpëtimtari im i fuqishëm,

ti ma mbron kokën në ditën e betejës.+

Mos lejo që komplotet e tyre të kenë sukses,

përndryshe ata do të krekosen!+ (Selah)

 9 U rënçin mbi kokë gjithë të këqijat që u dalin nga buzët

këtyre armiqve që më rrethojnë ngado!+

Në zjarr e në gropa të thella* u gremisshin+

e mos ngritshin më kokë!

12 E di se Jehovai do ta mbrojë të përvuajturin,

se ai do t’i sigurojë drejtësi të varfrit.+

13 Pa dyshim të drejtët do të thurin lavde për emrin tënd;

të ndershmit do të banojnë në praninë tënde.+