Psalmi

Psalm i Davidit. Këngë.

101 Për dashurinë besnike dhe drejtësinë do të këndoj.

Ty, o Jehova, do të të lëvdoj me këngë.*

2 Do të eci në udhën e pafajësisë* e të maturisë.

Kur do të më vish në ndihmë?

Edhe brenda shtëpisë sime do të eci në udhën tënde me një zemër plot integritet.*+

3 Para syve të mi nuk do të vë asgjë të kotë.*

I urrej veprimet e atyre që largohen nga rruga e drejtë,+

ndaj nuk do të kem të bëj fare me ta.*

4 Do t’i mbaj larg njerëzit me zemër dredharake;

nuk do të pranoj të merrem me* asnjë të keqe.

5 Do t’ia mbyll gojën* atij që shpif për shokun prapa krahëve;+

do ta kem zët atë që ka sy krenarë dhe zemër arrogante.

6 Do t’i shoh me sy të mirë gjithë besnikët në vend,

që ata të banojnë bashkë me mua.

Kush ecën në udhën e pafajësisë,* do të më shërbejë.

7 Asnjë mashtrues s’do të banojë në shtëpinë time;

asnjë gënjeshtar s’do të rrijë para meje.*

8 Çdo mëngjes do t’i heq qafe* gjithë të ligjtë në vend,

që t’i zhduk gjithë keqbërësit nga qyteti i Jehovait.+