Jehovai të dhëntë shpërblim të plotë

1. I sheh Jehovai besnikët e tij,

ata që shërbejn’ pa kursim.

Sheh gjith’ sakrificat, çdo gjë që lën’ pas,

dhe humbjet që sjellin lëndim.

Në lënç pas familjen dhe miqt’ a shtëpin’,

çdo gjë Jehovai e di.

Premton të të jap’ njëqindfishin që sot,

dhe jet’ në sistemin e ri.

2. Me raste kjo jet’ të trajton mizorisht,

dhe trupin e zemrën sfilit.

Të duket se barra ësht’ tepër e rënd’,

më tepër se ç’mbahet çdo dit’.

Por, Ati në qiell e di mir’ ç’po kalon,

e di dhe kur gjunjët s’mbajn’ më.

Atij hidhja barrën, ai ngushëllon,

të do, e të vetëm s’të lë.