Çfarë të themi për revistat?

Kulla e Rojës 15 tetor

«Shumë njerëz mendojnë se e ardhmja është kaq e pasigurt sa është më mirë të jetojmë vetëm sot për sot. Ju si mendoni? [Të presim përgjigjen.] Jezui tha diçka interesante. [Të lexojmë Mateun 6:34.] Kjo revistë shpjegon se si mund të planifikojmë për të ardhmen, dhe në të njëjtën kohë të mos jemi tepër në ankth për të.»

Zgjohuni! tetor

«Të gjithëve mund të na ketë vdekur ndonjë njeri i afërt. A mendoni se të vdekurit na shohin nga lart? [Të presim përgjigjen.] Shikoni se çfarë tha Jezui kur vdiq Lazari. [Të lexojmë Gjonin 11:11.] Ky artikull shpjegon nëse të vdekurit janë të gjallë diku apo janë në gjendje gjumi duke pritur të ringjallen.» Tregojini artikullin në faqen 28.

Kulla e Rojës 1 nëntor

«A mendoni se do të jetonim në një botë më të mirë nëse njerëzit do të ishin më të përulur? [Të presim përgjigjen.] A e dini se çfarë tha Jezui për këtë cilësi? [Të lexojmë Mateun 23:12.] Ky artikull tregon sa vlerë ka përulësia, madje edhe në këtë botë konkurruese.»

Zgjohuni! nëntor

«Në të shkuarën, njerëzit shpesh kërkonin drejtim nga Bibla. Ndërsa tani shumë thonë se nuk kanë edhe aq besim tek ajo. Po ju, si mendoni? [Të presim përgjigjen. Pastaj të lexojmë 2 Timoteut 3:16.] Ky numër special i revistës Zgjohuni! jep disa prova të forta që Bibla është e frymëzuar nga Perëndia.»