TË JETOJMË SI TË KRISHTERË

Ndihmoji fëmijët e tu të zhvillojnë besim të patundur te Krijuesi

Krijimi shpall lavdinë e Jehovait. (Ps 19:1-4; 139:14) Megjithatë, teoritë për origjinën e jetës që përhap bota e Djallit e çnderojnë Perëndinë. (Ro 1:18-25) Si mund të sigurohesh që këto ide të mos hedhin rrënjë në mendjen dhe në zemrën e fëmijëve të tu? Që në moshë të njomë, ndihmoji të zhvillojnë besim se Jehovai ekziston dhe se kujdeset për ta personalisht. (2Ko 10:4, 5; Ef 6:16) Nxiti që të shprehin lirshëm mendimet e tyre më të thella për atë që u është mësuar në shkollë dhe përdor mjetet e shumta që kemi në dispozicion për t’u prekur zemrën.—Pr 20:5; Jk 1:19.

Një baba mëson fëmijët për krijimin; mësojnë për evolucionin në një klasë; Ja ç’thonë moshatarët e tu—Besimi te Zoti

SHIH VIDEON JA Ç’THONË MOSHATARËT E TU—BESIMI TE ZOTI, PASTAJ SHQYRTO PYETJET E MËPOSHTME:

Cila ide e rreme për besimin te Zoti është e përhapur sot?
Çfarë mësohet në shkollën tënde?
Çfarë të bind ty se Jehovai ekziston?
Si mund ta ndihmosh dikë të arsyetojë se Perëndia krijoi gjithçka?