MËSIMI 13

Trego qartë vlerën praktike

Proverbat 3:21, shën.

PËRMBLEDHJE: Ndihmoji dëgjuesit të kuptojnë si ndikon te jeta e tyre tema që po trajton dhe tregoju si ta zbatojnë atë që po mësojnë.

Mendo për dëgjuesit. Medito për arsyet pse dëgjuesit kanë nevojë ta dëgjojnë informacionin që po u jep. Shqyrto cili aspekt i atij argumenti do të jetë veçanërisht i dobishëm për ta.
Gjatë gjithë pjesës, tregoju dëgjuesve çfarë të bëjnë. Që në fillim, çdo dëgjues duhet të arrijë në përfundimin: «Kjo është për mua.» Ndërsa zhvillon secilën pikë kryesore, trego si zbatohet. Mos fol në mënyrë të përgjithshme, ji specifik.

Shpjego me dashuri dhe empati si zbatohen parimet nga Bibla. Në vend që t’i rëndosh të tjerët me ndjenja faji, forcoju dashurinë dhe besimin, duke qenë i sigurt se zemra do t’i shtyjë të bëjnë atë që është e drejtë.