Të rinj, drejtoni me shkathtësi hapat tuaja
1 Ati ynë Jehova, interesohet personalisht për përparimin frymor të të rinjve. Duke dëgjuar me urtësi urdhrat e tij dashamirës, të rinjtë jo vetëm që gëzojnë zemrën e tij, por gjejnë edhe çlodhje për shpirtrat e tyre. (Prov. 27:11; Mat. 11:28-30) Lejojnë që Jehovai t’i drejtojë me shkathtësi hapat e tyre.—Prov. 16:9.
2 Jezu Krishti dha shembull të mirë. Që kur ishte i vogël, ai fitoi si aprovimin Perëndisë ashtu edhe të njerëzve. (Luka 2:52) Sot, të rinjtë duhet të përpiqen të bëjnë të njëjtën gjë. Vetë fakti që një i ri i do gjërat frymore është një demonstrim i qartë se po drejton me shkathtësi hapat e veta. Jezui, në moshën 12 vjeçare dallohej për dëshirën që kishte për t’u folur të tjerëve mbi Jehovain. (Luka 2:46, 47) Shumë të rinj në kohën tonë kanë treguar një dëshirë të ngjashme për t’u shpjeguar të tjerëve besimin e tyre.—w90-E 1/7 f. 29-30; w87-E 1/12 f. 21.
3 Të rinj, çfarë mund të bëni tani përpara përgatitjeve për të filluar shkollën që të «nderoni Jehovain me gjërat tuaja me vlerë»? (Prov. 3:9) Përse nuk e shtoni sasinë e kohës që dedikoni zakonisht në veprën e predikimit dhe të mësimit të lajmit të mirë, ndoshta edhe duke shërbyer si pionierë ndihmës? Mund të mbeteni të mahnitur nga gëzimi i mëtejshëm dhe nga dobi të tjera që rrjedhin automatikisht nga rritja e pjesëmarrjes në shërbim. Kjo do t’ju krijojë mundësinë që të dilni në shërbimin e fushës me një numër më të madh lajmëtarësh. Mund të filloni menjëherë, duke ftuar një ose dy lajmëtarë me përvojë që të dalin me ju në shërbim në fund të kësaj jave.
4 Kujdesi i prindërve mund të jetë një ndihmë mjaft e madhe për fëmijët, qoftë duke u ushtruar së bashku me ta ashtu edhe duke i shoqëruar në shërbim. Pjesëtarë të tjerë të pjekur të kongregacionit mund të marrin iniciativën duke u kërkuar të rinjve që t’i shoqërojnë në shërbimin nga porta në portë dhe në veprën e rivizitave dhe të studimeve biblike. Shoqëria e lajmëtarëve të fortë frymësisht do t’i ndërtojë të rinjtë dhe do t’i ndihmojë për të «përparuar drejt pjekurisë».—Hebr. 6:1.
5 Çdo i krishterë ka nevojë për të përmirësuar aftësinë e tij të të mësuarit. Të rinjtë nuk bëjnë përjashtim. Ju të rinj, a përgatiteni me kujdes për fjalimet që ndoshta keni privilegjin të mbani në Shkollën e Shërbimit Teokratik? A keni një program të rregullt leximi, studimi personal dhe meditimi? A jeni gati të vini në praktikë informacionet që studioni? A përgatiteni mirë për mbledhjet në mënyrë që të kuptoni plotësisht materialin dhe të jeni gati për të komentuar? A merrni shënime mbi aspekte të dobishme të trajtuara nëpër mbledhje dhe a përpiqeni që t’i zbatoni sugjerimet që përmban Shërbimi ynë i Mbretërisë?
6 Mos mungoni të shfrytëzoni mundësitë për të marrë pjesë në pastrimin e Sallës së Mbretërisë dhe të kujdeseni për vëllezërit dhe motrat e moshuara ose të sëmura, duke i ndihmuar që të bëjnë punët ose në mënyra të tjera praktike. Mos e lini pas dore privilegjin për të bërë rregullisht kontributet tuaja personale, për të mbajtur Sallën e Mbretërisë dhe për të mbështetur veprën e predikimit.—Mateu 24:14.
7 Nëse «qëndrojmë zgjuar sipas fjalës së Jehovait» dhe lejojmë që t’i drejtojë Ai hapat tona, Ai vetë do të na japë lumturi dhe privilegje shërbimi në rritje.—Psalmi 119:9.