14. Çfarë ndodhi në Meriba dhe në Kadesh falë fuqisë së Jehovait dhe si duhet të ndikojë kjo tek shërbëtorët e tij të sotëm?

¹⁴ Përsëri në lidhje me fuqinë e Jehovait psalmisti këndoi: «Për shkak të Zotit të jesh në dhimbje të rënda, o tokë, për shkak të Perëndisë së Jakobit, që shkëmbin e kthen në kënetë uji të dendur me kallama, shkëmbin prej stralli në burim uji.» (Psalmi 114:7, 8)

Në Meriba e Kadesh në shkretëtirë, Jehovai tregoi fuqinë e tij duke siguruar në mënyrë të mrekullueshme ujë për Izraelin, duke shndërruar «shkëmbin në kënetë uji të dendur me kallama, shkëmbin prej stralli në burim». (Të Dalët 17:1-7; Numrat 20:1-11) Këta kujtues të fuqisë madhështore të Jehovait dhe të kujdesit të tij të butë, u japin Dëshmitarëve të tij arsye të vlefshme për të pasur besim absolut në të.