15. Cilat pjesë të profecisë së Ezekielit filluan të plotësoheshin në vitin 609 p.e.s.?

¹⁵ Profecia për rënien e Jerusalemit filloi të plotësohej disa vjet pas shpalljes së Ezekielit. Më 609 p.e.s. ai mori vesh se sulmi kundër Jerusalemit kishte filluar. Në atë kohë, tingulli i trumbetave i bënte thirrje popullit që të mbronte qytetin, por siç e kishte parathënë Ezekieli, ‘askush nuk shkoi në betejë’. (Ezek. 7:14) Banorët e Jerusalemit nuk luftuan kundër pushtuesve babilonas që të mbronin qytetin. Disa judenj mbase kanë menduar se Jehovai do t’i shpëtonte. Kështu kishte bërë kur asirianët donin të pushtonin Jerusalemin dhe një engjëll i Jehovait shkatërroi pjesën më të madhe të ushtrisë. (2 Mbret. 19:32) Por kësaj here s’kishte ndihmë nga lart.

17. Cilat ngjarje do të shohim gjatë shtrëngimit të madh?

¹⁷ Profecia e Ezekielit na kujton edhe se kur të sulmohen organizatat fetare, anëtarët e tyre nuk ‘do të shkojnë në betejë’ për t’i mbrojtur. Përkundrazi, kur të kuptojnë se askush s’po u përgjigjet thirrjeve të tyre për ndihmë «Zotëri, Zotëri», «do t’i lëshojë zemra» dhe ‘do të dridhen’. (Ezek. 7:3, 14,