«Ja shërbëtori im që zgjodha, Biri im i dashur që kam miratuar! Unë do të vë tek ai frymën time, dhe ai do t’u bëjë të qartë kombeve ç’është drejtësia.

Mateu 12:18

; Isaia 42:1-4.

S’ka dyshim se Jezui është shërbëtori i dashur që Perëndia e miraton. Jezui bën të qartë se çfarë është drejtësia e vërtetë, të cilën e kanë mjegulluar traditat e rreme fetare. Farisenjtë e interpretojnë sipas qejfit Ligjin e Perëndisë dhe e zbatojnë në mënyrë të padrejtë, ja pse nuk do ta ndihmonin një të sëmurë në Sabat. Teksa nxjerr në pah drejtësinë e Perëndisë dhe tregon se fryma e Perëndisë është mbi të, Jezui i çliron njerëzit nga barra e traditave të padrejta. Për këtë arsye krerët fetarë duan ta vrasin. Është vërtet për të ardhur keq!