dhe thoshte me një zë të fortë: ‘Kini frikë Perëndinë dhe jepini lavdi, sepse mbërriti ora e gjykimit prej tij! Adhuroni Atë që bëri qiellin, tokën, detin dhe burimet e ujërave!’» (Zbulesa 14:6, 7)

¹⁷ Engjëlli i nxit të gjithë një për një të mos i frikësohen bishës dhe shëmbëlltyrës së saj, por Jehovait që është jashtëzakonisht më i fuqishëm se çdo «bishë» që përdor Satanai. Tokën dhe qiellin i ka krijuar Jehovai dhe ka ardhur koha që ai ta gjykojë tokën. (Krahaso Zanafillën 1:1; Zbulesën 11:18.)

18. Cila orë ka ardhur, sipas engjëllit që fluturon në mes të qiellit, dhe kush do t’i shpallë mesazhet e tjera?

¹⁸ Siç shpall engjëlli që fluturon në mes të qiellit, ka ardhur ora e gjykimit. Çfarë gjykimi do të japë Perëndia? Njoftimet që do të bëjnë engjëlli i dytë, i tretë, i katërt dhe i pestë do t’i tronditin njerëzit.​—Jeremia 19:3.