Korbat janë fluturues të shkëlqyer. Është bukur t’i shohësh ata ndërsa ngrihen pa vështirësi, duke formuar qarqe të gjera, duke këqyrur me vëmendje zonën që shtrihet poshtë për ushqim. Ata bëjnë akrobaci në ajër pa asnjë vështirësi, duke bërë kollotumba dhe madje duke bërë fluturime të shkurtra së prapthi, sidomos gjatë periudhës kur kërkon femrën dhe nganjëherë duket se e bën thjesht për kënaqësi. Fluturimi i korbit është përshkruar me vend nga Bernt Hinrih në veprën e tij Ravens in Winter: «Ai zbret vrik dhe vërtitet si një rrufe e zezë nga qielli ose shpejton me një fluturim të lirë dhe elegant.» Ai shton se ky zog është «një kampion i ajrit dhe zotëron akoma aftësi të tjera». Forca e fluturimit të korbit është dhënë si një arsye se përse Noeja zgjodhi atë si krijesë të parë, për ta dërguar jashtë arkës në kohën e Përmbytjes.—Zanafilla 8:6, 7.

Në Bibël, korbi shquhet si zogu i parë i përmendur me emër specifik.—Zanafilla 8:7.