‘Mos ki smirë’

3, 4. Çfarë këshille jep Davidi në Psalmin 37:1? Pse është mirë që t’i vëmë veshin kësaj këshille sot?

³ Jetojmë në «kohë kritike, të vështira për t’u përballuar» dhe ligësia është me bollëk. Kemi parë se kanë dalë të vërteta këto fjalë të apostullit Pavël: «Njerëzit e ligj dhe mashtrues do të shkojnë keq e më keq, duke mashtruar e duke u mashtruar edhe vetë.» (2 Timoteut 3:1, 13) Suksesi dhe begatia që duket se kanë njerëzit e ligj mund të ndikojë te ne shumë lehtë. Kjo mund të na shpërqendrojë nga gjërat frymore. Vër re se si na paralajmërojnë për këtë rrezik të mundshëm fjalët hapëse të Psalmit 37 (BR): «Mos u nxeh për shkak të keqbërësve. Mos i ki smirë ata që bëjnë padrejtësi.»

⁴ Gazetat dhe televizori na bombardojnë me një mori lajmesh për padrejtësitë që kryhen. Tregtarët e pandershëm mashtrojnë dhe ia dalin pa u lagur. Kriminelët përfitojnë nga njerëzit e pambrojtur. Vrasësit nuk zbulohen ose nuk ndëshkohen. Gjithë këta shembuj të shtrembërimit të drejtësisë mund të na zemërojnë dhe mund të na e heqin paqen mendore. Suksesi në dukje i keqbërësve mund të na ngjallë madje edhe ndjenja smire. Por, nëse shqetësohemi prej këtyre gjërave, a do të përmirësohet gjendja? Në qoftë se kemi smirë për dobitë që duket sikur kanë të ligjtë, a do ta ndryshojë kjo fundin që i pret ata? Jo, aspak. Dhe as nuk kemi pse të ‘nxehemi’. Pse jo?

6. Ç’mësim nxjerrim nga Psalmi 37:1, 2?

⁶ Atëherë, a duhet të na shqetësojë begatia kalimtare e keqbërësve? Mësimi që nxjerrim nga dy vargjet e para të Psalmit 37 është ky: të mos lejojmë që suksesi i tyre të na bëjë të largohemi nga udha që kemi zgjedhur për t’i shërbyer Jehovait. Përkundrazi, të përqendrohemi te bekimet dhe te synimet frymore.—Fjalët e urta (Proverbat) 23:17.