• Si të marrim vendime të mençura?
    Gëzoje jetën përgjithmonë—Bibla zbulon si

    • 5. Ki respekt për ndërgjegjen e të tjerëve

      Ngaqë jemi të ndryshëm, marrim vendime të ndryshme. Si mund të tregojmë se e respektojmë ndërgjegjen e të tjerëve? Le të shqyrtojmë dy situata:

      Situata 1: Një motër që ka qejf të lyhet, transferohet në një kongregacion, ku shumë motra e shohin me sy të shtrembër këtë gjë.

      Lexoni Romakëve 15:1 dhe 1 Korintasve 10:23, 24 e më pas diskutoni për këto pyetje:

      • Çfarë mund të vendosë kjo motër, duke pasur parasysh këto vargje? Po ti, ç’do të bëje nëse do të ishte me dikë që e vret ndërgjegjja për gjëra që ti s’i ke problem?

      Situata 2: Një vëlla e di se Bibla nuk e dënon pirjen me masë të alkoolit, por zgjedh që të mos pijë fare. Ai është i ftuar në një festë, ku sheh vëllezër të tjerë që pinë alkool.

      Lexoni Eklisiastiun 7:16 dhe Romakëve 14:1, 10 e më pas diskutoni për këto pyetje:

      • Çfarë mund të vendosë ky vëlla, duke pasur parasysh këto vargje? Po ti, ç’do të bëje nëse do të shihje dikë tjetër teksa bën diçka që ty s’ta lejon ndërgjegjja?

      Cilët hapa të ndihmojnë të marrësh vendime të mençura?

      Një grua duke u lutur.

      1. Kërkoji Jehovait ndihmë që të marrësh vendimin e duhur.—Jakovi 1:5.

      E njëjta grua bën kërkime duke përdorur Biblën, botime të bazuara në Bibël dhe një kompjuter.

      2. Bëj kërkime në Bibël dhe në botime të bazuara në të, për të gjetur parimet që të duhen. Mund të kërkosh edhe mendimin e të krishterëve me përvojë.

      E njëjta grua duke u menduar.

      3. Mendo për ndikimin që do të ketë vendimi yt te ndërgjegjja jote dhe e të tjerëve.