• «Do të caktoj një bari të vetëm»
    Jehovai rivendos adhurimin e pastër!

    • 9 Profecia. (Lexo Ezekielin 17:22-24.) Kësaj here nuk do të veprojnë shqiponjat e mëdha, por vetë Jehovai. Ai do të këpusë një bisk të njomë ‘nga maja e cedrit të lartë dhe do ta mbjellë në një mal të lartë e madhështor’. Bisku do të lulëzojë, do të bëhet «një cedër madhështor» dhe do të sigurojë strehë për «lloj-lloj zogjsh». Pas kësaj, «të gjitha pemët e fushës» kanë për të marrë vesh se cedri madhështor ka lulëzuar falë Jehovait.

      10 Përmbushja. Jehovai ‘e këputi’ ose e hoqi Birin e tij, Jezu Krishtin, nga linja mbretërore e Davidit (‘cedri i lartë’) dhe e mbolli në Sionin qiellor (‘një mal i lartë e madhështor’). (Psal. 2:6; Jer. 23:5; Zbul. 14:1) Kështu, edhe pse armiqtë e konsideronin Jezuin si «më të përvuajturin [ose më të parëndësishmin] e njerëzve», Jehovai e lartësoi duke i dhënë «fronin e Davidit, të atit». (Dan. 4:17; Luka 1:32, 33) Si një cedër madhështor, Mbreti mesianik, Jezu Krishti, do të qeverisë nga qielli mbi mbarë tokën dhe do t’u sjellë bekime të gjithë nënshtetasve. Nën mbretërimin e tij, njerëzit e bindur ‘do të jetojnë të sigurt, pa frikë në zemër se mos u ndodh ndonjë e keqe’. (Prov. 1:33) As që diskutohet se Jezui është Mbreti që meriton besimin tonë!