-
«Kujdesu për këtë hardhi!»Kulla e Rojës—2006 | 15 Qershor
-
-
Ashtu si Jehovai e krahasoi Izraelin me një hardhi, edhe Jezui përdori një metaforë të ngjashme. Gjatë Darkës së Fundit, siç e quajnë shumë veta, Jezui u tha dishepujve: «Unë jam hardhia e vërtetë, kurse Ati im është kultivuesi.» (Gjoni 15:1) Jezui i krahasoi dishepujt me degët e hardhisë. Ashtu si degët e hardhisë e marrin fuqinë nga trungu kryesor, po kështu dishepujt e Krishtit duhet të qëndrojnë në unitet me të. «Pa mua, s’mund të bëni asgjë fare»,—tha Jezui. (Gjoni 15:5) Bujqit e kultivojnë një hardhi që të japë fryt dhe po kështu Jehovai pret që populli i tij të japë fryt frymor. Kjo i sjell kënaqësi dhe lavdi Perëndisë, Kultivuesit të hardhisë.—Gjoni 15:8.
-
-
«Kujdesu për këtë hardhi!»Kulla e Rojës—2006 | 15 Qershor
-
-
«Vazhdoni të jepni shumë fryt»
Degët e figurshme të ‘hardhisë së vërtetë’ përfaqësojnë të krishterët e mirosur. Megjithatë edhe ‘delet e tjera’ duhet të tregojnë se janë dishepuj të frytshëm të Krishtit. (Gjoni 10:16) Edhe ato mund të japin «shumë fryt» dhe t’i sjellin lavdi Atit të tyre qiellor. (Gjoni 15:5, 8) Ilustrimi i Jezuit për hardhinë e vërtetë na kujton se shpëtimi varet nëse qëndrojmë në unitet me Krishtin dhe japim fryt të mirë. Jezui tha: «Po të zbatoni urdhërimet e mia, do të qëndroni në dashurinë time, ashtu si unë kam zbatuar urdhërimet e Atit dhe qëndroj në dashurinë e tij.»—Gjoni 15:10.
-